Almatyda úı karantıni rejımin buzýshylar sany artty
«Ashyq» platformasy arqyly mártebeni avtomatty túrde túsirý derekterine sáıkes 2022 jyldyń qańtarynda «qyzyl» jáne «sary» mártebesi bar (juqtyrǵan jáne baılanysta bolǵan), úıde oqshaýlaý rejımin buzǵan jáne nysandarǵa barǵan azamattardy tirkeýdiń aıtarlyqtaı óskeni baıqaldy.
Máselen, Almaty qalasynda 2022 jyldyń qańtar aıynda «Ashyq» jobasy boıynsha jumys isteıtin kásipkerlik nysandaryna kire beriste skanerleý nátıjesinde 2211 turǵynnyń «qyzyl» jáne 36 azamattyń «sary» mártebeli ekeni anyqtaldy.
Qańtar aıynda kóbine «qyzyl» mártebesi bar jeke tulǵalar «Ashyq» boıynsha jumys isteıtin: saýda ortalyqtary – 374, saýda úıleri men dúkender – 348, qoǵamdyq tamaqtaný nysandary – 315, áýejaı – 137, bazarlar – 128, halyqqa qyzmet kórsetý ortalyqtary – 107, bankter – 107 turǵyndy anyqtady.
Bıylǵy jyldyń basynan bastap Almaty qalasynyń 92 turǵynyna ózin-ózi oqshaýlaý rejımin buzǵany úshin 30 AEK kóleminde (91890 tg) aıyppul salyndy. Basqalary áli óńdeý satysynda.
Almatyda «qyzyl» mártebesi bar quqyq buzýshylardy tirkeýdiń kúrt kóterilýine baılanysty Almaty qalasynyń sanıtarııalyq-epıdemıologııalyq baqylaý departamenti qala turǵyndaryna úndeý joldady
«Shekteý sharalaryn jeńildetý jáne oqshaýlaý, PTR-testilerdi tapsyrý merzimderin qysqartý boıynsha qabyldanǵan sharalar indettiń aıaqtalýyn bildirmeıdi, ol jalǵasýda, kúres áli de júrip jatyr. Sondaı-aq, PTR-testileýdiń oń nátıjesi anyqtalǵanda qatań karantın rejımin saqtaýǵa shaqyramyz. Qalada jumys istep turǵan «Ashyq» júıesi ózin-ózi oqshaýlaý rejımin buzǵan azamattardy (juqtyrǵan jáne baılanysta bolǵan adamdardy) avtomatty túrde tirkeıdi, bul 30 AEK (91890 teńge) mólsherinde iri aıyppul salýǵa alyp keledi.
Tek qazaqstandyqtardyń birligi jáne ózi úshin de, týǵan-týystary úshin de azamattyq jaýapkershilikti tanytýy – epıdemııany jeńýge kómektesedi», - delingen úndeýde.
