Almatyda úsh dene shynyqtyrý kesheni salynyp jatyr

ALMATY. QazAqparat- Almatyda úsh dene shynyqtyrý-saýyqtyrý kesheni salynyp jatyr. Bul týraly óńirlik kommýnıkatsııalar qyzmetiniń brıfınginde qalalyq qurylys basqarmasy basshysynyń orynbasary Ulan Ońalbaev málim etti, dep habarlaıdy QazAqparat tilshisi.

Spıkerdiń sózinshe, sport ǵımarattaryn salý – qalalyq saıasattyń mańyzdy baǵyttarynyń biri.

Bul qala turǵyndarynyń densaýlyǵyn nyǵaıtyp, salaýatty ómir saltyn qalyptastyrýǵa múmkindik beredi.

«Qalanyń balalary men jastaryn qoljetimdi sport sektsııalarymen qamtamasyz etý, halyqty salaýatty ómir saltyna tartý, ult densaýlyǵyn saqtaý jáne nyǵaıtý maqsatynda «Jas Qanat», «Alataý» jáne «Zerdeli» shaǵynaýdandarynda úsh dene shynyqtyrý-saýyqtyrý kesheniniń qurylysy júrip jatyr», - dedi Ulan Ońalbaev.

Buǵan deıin Erbolat Dosaev Naýryzbaı aýdany turǵyndarymen kezdesý barysynda 1 qyrkúıekten bastap Artsport baǵdarlamasyn qarjylandyrý toqtaıtynyn aıtqan bolatyn.