Almatyda urlanǵan tehnıkany satpaq bolǵan atyraýlyq azamat ustaldy

ALMATY. QazAqparat - Almatyda dúken tonaǵan kúdiktini Naýryzbaı aýdandyq polıtsııa basqarmasynyń jedel ýákilderi anyqtady, dep habarlaıdy QazAqparat tilshisi.

22 jastaǵy T. esimdi azamat Tımırıazev kóshesindegi «Belyı veter» dúkeninen urlaǵan tehnıkany satýǵa qoıǵan.

Polıtsııa málimetinshe, qaskóı óziniń ýaqytsha turǵylyqty jerinde ustaldy. Onyń úıinen 7 noýtbýk, 12 uıaly telefon, 3 flesh-karta, 2 kolonka, 2 jup qulaqqap, uıaly telefonǵa arnalǵan aksessýarlar, kózildiriktiń jıekteri tabylyp, tárkilendi.

«Jaýap alý barysynda kúdikti joǵaryda atalǵan zattardy jappaı tártipsizdik kezinde tehnıka dúkeninen urlaǵanyn moıyndady.

Qylmystyq is ary qaraı tergeý úshin Bostandyq aýdandyq polıtsııa basqarmasyna jiberildi.

Qylmystyń sybaılastary anyqtalýda. Kúdikti ýaqytsha ustaý ızolıatoryna qamaldy»,- dedi polıtsııa basqarmasynda.