Almatyda ulttyq biliktilik testin tapsyryp jatqan muǵalim qaıtys boldy

ALMATY. QazAqparat - Almatydaǵy kólik jáne logıstıka akademııasynda bir adam qaıtys boldy. Ol - ulttyq biliktilik testin tapsyrýǵa kelgen mektep muǵalimderiniń biri, dep habarlaıdy QazAqparat tilshisi.

Bul týraly aqparat áleýmettik jelide tarady.

Kýágerdiń aıtýynsha, test kezinde bir muǵalimniń jaǵdaıy nasharlap qulap qalǵan. Ol jedel járdem kelip úlgergenshe kóz jumdy.

Almaty qalalyq polıtsııasy departamentiniń resmı ókili Saltanat Ázirbek atalǵan derekti rastady.

«Kisi ólimi faktisi Almaly aýdandyq polıtsııa basqarmasynda tirkeldi. Qazirgi ýaqytta sot-medıtsınalyq saraptama taǵaıyndalǵan»,- dedi Saltanat Ázirbek.