Almatyda UBT kezinde qandaı qaýipsizdik sharalary saqtalýy tıis
Almaty qalasy ákiminiń orynbasary Erjan Babaqumarov qalalyq bilim basqarmasynyń basshysy L. Jylqybaeva jáne qalanyń bas memlekettik sanıtar dárigeri, aýmaqtyq sanıtarlyq-epıdemıologııalyq baqylaý departamentiniń basshysy J. Bekshınmen birlesip bıyl 6 mamyr men 30 maýsym aralyǵynda megapolıste ótetin UBT-ny uıymdastyrý jóninde onlaın formatta keńes ótkizdi.
Basty maqsat – epıdemıologııalyq jaǵdaı boıynsha Almatynyń «qyzyl» aımaqta bolýy aıasynda koronavırýstyq ınfektsııanyń taralýyna jol bermeı, UBT ótkizý qaýipsizdigin qamtamasyz etý.
Qoǵamdyq jınalatyn oryndarǵa barý qajettiligin boldyrmaý maqsatynda ulttyq biryńǵaı testileýge qatysý úshin túlekterdiń ótinishterin qabyldaý https://app.testcenter.kz saıtynda online tirkeý arqyly júzege asyrylady. Almaty qalasy Bilim basqarmasynyń málimeti boıynsha, bıylǵy oqý jylynda qalanyń orta bilim berý uıymdarynda 11 337 túlek oqý bitiredi (memlekettik mektepterden 10 560 adam jáne jekemenshik mektepterden 777 adam).
Anyqtama: testileý 5 pánnen turady (Qazaqstan tarıhy, oqý saýattylyǵy, matematıkalyq saýattylyq, tańdaý boıynsha 2 beıindi pán). UBT-nyń jalpy uzaqtyǵy appelıatsııany esepke alǵanda 4 saǵat 30 mınýt (270 mınýt).
Sanıtarlyq-epıdemıologııalyq baqylaý departamenti test ótkiziletin ǵımarattarda zerthanalyq-aspaptyq zertteýdi aıaqtady. UBT ótkizý pýnktinde daıyndyq jumystary júrgizildi: irgeles aýmaqty, ǵımarattyń ishki jaǵyna tazalyq jumystary júrgizilip, jaryqtandyrý aspaptary, jeldetý júıesi tekserildi, medıtsınalyq pýnkt daıyndaldy. Oqýshylar men qyzmetkerlerdiń jeke gıgıenasyn saqtaý úshin jaǵdaılar jasalǵan. Aýyz sý rejımi uıymdastyrylǵan, oqýshylar kólemi 0,5 l bótelkedegi sýmen qamtamasyz etiledi, sonymen qatar qosymsha sý dıspenserleri ornatylady. Oqýshylarǵa alǵashqy medıtsınalyq kómek kórsetý úshin qajetti jaraqtarmen jáne dári-dármektermen jabdyqtalǵan medıtsınalyq pýnkt jumys isteıdi, sondaı-aq jedel medıtsınalyq kómek brıgadasynyń kezekshisin, aımaqtyq emhanalardyń dárigerlerin tartý kózdelgen.
UBT ótkizý kezinde mynalar qamtamasyz etiledi:
- UBT ótkiziletin oryndar sanıtaızerlermen, teplovızorlarmen, dezınfektsııalaý eritindilerimen jáne aıaq kıimge arnalǵan kilemshelermen, bakterıtsıdti shamdarmen, aýa retsırkýlıatorlarymen, paıdalanǵan betperdelerdi ýtılızatsııalaýǵa arnalǵan ýrnalarmen qamtamasyz etý;
- aýdıtorııalarda kondıtsıonerlerdiń, qabyrǵa saǵattarynyń; beınebaqylaý kameralarynyń; beınetirkegishterdiń jumys isteýi;
- adamdardyń toptalýyn boldyrmaý úshin kireberistiń aldynda jáne ǵımarat ishinde, onyń ishinde ótkizý jáne kútý aımaqtarynda belgiler kómegimen áleýmettik qashyqtyqtyń (keminde 1 metr) saqtalýy qamtamasyz etiledi;
- betperde rejımin qamtamasyz etý. Qorǵanys quralynsyz kelgen UBT qatysýshylaryna betperde beriledi;
- UBT ótkizý pýnktin jáne testileý pýnktine jaqyn kútý aımaǵyn dezınfektsııalaý;
- UBT ótkizý pýnktinde medıtsınalyq qyzmet kórsetýdi uıymdastyrý jáne medıtsınalyq pýnkttiń jumysyn qamtamasyz etý (sondaı-aq COVID-19-ǵa qarsy vaktsınatsııalaýǵa nıet bildirýshiler úshin ýaqytsha mobıldi egý pýnkti ashylady);
- qoǵamdyq tártipti saqtaý jáne órt qaýipsizdigin qamtamasyz etý úshin kezekshilikti uıymdastyrý.
Aıta ketý kerek, UBT ótkiziletin ǵımarattarǵa adamdardyń kóp jınalýyn boldyrmaý maqsatynda ata-analar, muǵalimder jáne basqa da adamdar jiberilmeıdi.
Táýekel tobyndaǵy adamdardy, sondaı-aq 65 jastan asqan qarttardy UBT qatysýshylarymen birge kelmeýge shaqyramyz.
