Almatyda turǵyn úıler arasynda qarýmen júrgen er adam ustaldy

ALMATY. QazAqparat - Almatyda turǵyn úıdiń aýlasynda qarýmen júrgen adam ustaldy, dep habarlaıdy QazAqparat tilshisi.

Bul aqparatty Almaty qalalyq polıtsııa departamenti bastyǵynyń orynbasary Rýstam Abdrahmanov rastady.

«Polıtsııaǵa saǵat 22.00 shamasynda 102 pýltine eki ret oq atqan adam týraly habarlama tústi. Alataý aýdanynyń «Daraboz» yqsham aýdanyndaǵy turǵyn úılerdiń arasynda qarýmen júrgen adam ustaldy. Aldyn ala málimet boıynsha, ol otbasylyq janjalǵa baılanysty mundaı qadamǵa barǵan. Atalǵan fakti boıynsha sotqa deıingi tergeý bastaldy», - delingen polıtsııa habarlamasynda.