Almatyda Táýelsizdik kúni qandaı is-sharalar ótedi

ALMATY. QazAqparat - Táýelsizdik kúni qarsańynda Almatyda túrli merekelik jáne resmı is-sharalar, sonyń ishinde ǵylymı-praktıkalyq konferentsııalar, fotokórmeler, dóńgelek ústelder jáne taǵy basqa da kóptegen is-sharalar ótkiziledi.

Bul týraly QazAqparat Almaty ákimdigine silteme jasap habarlaıdy.

15 jeltoqsan – D. Qonaev atyndaǵy murajaıda «Táýelsizdik – máńgilik eldiń tiregi» atty fotokórme ótedi.

15 jeltoqsan - Ǵalymdar úıinde qoǵamdyq uıymdar men tarıhshylardyń qatysýymen 1986 jylǵy jeltoqsandaǵy oqıǵalarǵa arnalǵan konferentsııa bolady.

16 jeltoqsan - Respýblıka alańynda Táýelsizdik monýmentine gúl shoqtary qoıylady.

17 jeltoqsan - 1986 jylǵy jeltoqsan oqıǵalarynyń 36 jyldyǵy aıasynda «Táýelsizdik tańy» monýmentine gúl shoqtary qoıylady.