Almatyda taǵy bir kóshe uzarady

ALMATY. QazAqparat - Almatyda taǵy bir kóshe uzartylady. Qazir jobalaý-smetalyq qujattamasy ázirlenip jatyr. Bul týraly qala ákimi Erbolat Dosaev Túrksib aýdany turǵyndarymen kezdesýinde málim etti, dep habarlaıdy QazAqparat tilshisi.

«2023 jyldyń sońyna deıin B. Hmelnıtskıı kóshesin Talǵar tasjolyna deıin uzartý úshin jobalyq-smetalyq qujattama ázirlenedi. Qurylys 2024-2025 jyldary júrgiziledi»,- dedi ol.

Sonymen qatar, Erbolat Dosaev «Qaırat» shaǵynaýdany turǵyndarynyń ótinishi boıynsha Sulýshash, Kórimdik, Sybyzǵy kóshelerindegi joldar jóndelip, 2,5 shaqyrym jolǵa asfalt tóselgenin atap ótti.

«Aýdanda uzyndyǵy 9 shaqyrym 17 kóshe jóndelip, 89 kóshe aǵymdaǵy jóndeýden ótti. Uzyndyǵy 9 shaqyrym bolatyn 11 kóshege trotýarlar salynyp, jóndeldi. B.Hmelnıtskıı, E. Bekmahanov, Súıinbaı jáne Lavrenev kóshelerinde 11 retteletin baǵdarsham jáne Seıfýllın dańǵylynda, Shemıakın, Papanın jáne Jumabaev kóshelerinde 5 baǵdarsham iske qosyldy»,- dedi shahar basshysy.

Sonymen qatar, ol Álmerek, Nurshashqan shaǵynaýdandarynda jáne aýdannyń 23 kóshesine 27 jańa aıaldama ornatylǵanyn tilge tıek etti.

«Turǵyndarǵa yńǵaıly bolý úshin №215 marshrýt Jas qanattan Shýaqty shaǵynaýdanyna deıin uzartyldy. Avtobýstardyń reıske shyǵý sany 5-ten 7-ge deıin kóbeıtildi. Buǵan qosa, №8, 36, 69, 138 syndy 4 baǵyttyń 39 avtobýsy jańartyldy».- dep qosty Erbolat Dosaev.