Almatyda revaktsınatsııa qashan bastalady

ALMATY. QazAqparat - Almatyda koronavırýsqa qarsy jappaı revaktsınatsııa qarasha aıynyń sońynda bastalady. Bul týraly Ortalyq qalalyq klınıkalyq aýrýhana dırektorynyń orynbasary Elvıra Ibragımova brıfıng barysynda málim etti, dep habarlaıdy QazAqparat tilshisi.

Spıkerdiń sózinshe, qazir qalada reseılik «Sputnik V», qazaqstandyq «QazVac» jáne qytaılyq «Vero Cell» vaktsınalarymen turǵyndardy qaıta vaktsınatsııalaý jospary tur.

«Bizde vaktsına jetkilikti, revaktsınatsııa qarashanyń úshinshi onkúndiginde bastalady. Revaktsınatsııa degenimiz - adamdardyń ekpeniń birinshi jáne ekinshi bóliginen keıin alatyn dozasy. ıAǵnı, siz alǵashqy eki dozany alasyz, sodan keıin úshinshi - kúsheıtkish dozasy salynady. Buny revaktsınatsııa dep ataımyz», - dedi Elvıra Ibragımova.

Buǵan deıin ol vaktsınatsııa nemese revaktsınatsııa aldynda antıdenelerge test tapsyrýdyń qajeti joq ekenin aıtqan bolatyn.

Sonymen qatar, Elvıra Ibragımova azamattarǵa qabyldanǵan alǵashqy eki dozadan basqa preparatpen qaıta vaktsınatsııalaýdy usyndy.