Almatyda regbıden bes ulttyń Azııalyq kýbogy Joǵary lıgasynyń 8- oıyny ótedi

ALMATY. 19 mamyr. QazAqparat - Búgin Almatyda regbıden erler arasynda bes ulttyń Azııalyq kýbogy Joǵarǵy lıgasynyń Qazaqstan men Koreıa quramalarynyń arasyndaǵy 8-oıyny bolady.

Ony  HSBC bank,  Azıalyq regbı odaǵy  (ARFU) jáne Qazaqstannyń ulttyq regbı qaýymdastyǵy (KNRA) uıymdastyryp otyr. Bul qazaqstandyq regbıshiler úshin asa jaýapty kezdesý bolmaq. Óıtkeni olar bul synda qarsylasynan basym tússe Joǵarǵy lıgadaǵy óz ornyn saqtap qalady, al jeńilis tapsa odan keıin tómengi lıgaǵa túsip qalýy múmkin. Olar buǵan deıin 11 mamyrda Dýbaıda BAÁ quramasyna  31:46, al 28 sáýirde Almatyda Japonııa quramasyna  0:87 esebimen jeńilip qalǵan bolatyn. Jalpy qurlyqtyń úzdik bes komandasy arasyndaǵy Azııa kýbogy dodasy 2016 jyly  Brazılııanyń Rıo-de-Janeıro qalasynda ótetin Olımpıada oıyndaryna qatysý úshin bizdiń olımpıadalyq komanda úshin alǵashqy saty bolmaq.