Almatyda «ramadan 2022.kz» jańa mobıldi saıty iske qosyldy

ALMATY. QazAqparat - Almatyda «ramadan 2022.kz» arnaıy mobıldi saıty iske qosyldy. Onda Orazaǵa qatysty barlyq málimetterdi alýǵa bolady. Bul týraly brıfıng barysynda Almaty qalasynyń bas ımamy Tólebı Ospan aıtty, dep habarlaıdy QazAqparat tilshisi.

«Almaty ókildigine qarasty «azan.kz» saıtyna bir kúnde 20 myńnan astam oqyrman kiredi. Al Ramazan aıynda Orazaǵa qatysty málimet izdeýshiler sany bir táýlikte 50 myńnan asyp jyǵylady. Saıtqa bir mezette kirýshilerdiń kóp bolýynan saıt jumysy toqtap qalatyn kezder de bolady. Sol sebepti «azan.kz/kz/ramadan» paraqshasyn qazaq-orys tilderinde qosymsha usynyp otyrmyz. Odan bólek jańadan «ramadan2022.kz» mobıldi saıty da iske qosyldy. Bul saıtta Orazaǵa qatysty málimetter men qatar Almaty ortalyq meshitte aıtylatyn ýaǵyz kestesi, taraýyq namazynda quran hatym túsiriletin meshitter, halal sertıfıkatyn alǵan meıramhanalar tizimi taǵy basqa da aqparattar engizilgen»,- dedi spıker.

Ramazan aıy men dinge qatysty máseleler boıynsha Qazaqstan musylmandarynyń Dinı basqarmasy janyndaǵy Dinı aqparat ortalyǵynan da keńes alýǵa bolady.

Ortalyqtyń telefon nómiri: 8 [phone]. Bas ımam Almaty Ortalyq meshitiniń telefon nómirlerin de berdi: 8 (727) 329 09 66, 8 700 719 76 22.