Almatyda polıtsııa qyzmetkerleri arasynda tabeldik qarýdan oq atý boıynsha jarys ótti

ALMATY. QazAqparat- Almatyda polıtsııa qyzmetkerleri arasynda tabeldik qarýdan oq atý boıynsha báseke ótti. Bul Qazaqstan Konstıtýtsııasynyń 20 jyldyǵyna arnaldy, - dep habarlady Almaty q. ІІD baspasóz qyzmetinen.

Sporttyq jarysqa Almaty qalalyq polıtsııa garnızonynyn qyzmetteri men bólimsheleriniń qyzmetkerleri qatysty.

«Atys qarýynan oq atý boıynsha jarysta 19 komanda baq synasty. Qatysýshylar aldyna belgili bir ýaqytta PM-1 tapanshasymen úsh synamalyq jáne 10 eseptik oqý atý mindeti qoıyldy. Sonymen qatar, tabeldik qarýmen belgili bir ýaqyt ishinde shapshań oq atý jattyǵýy da jasaldy. Jarys qorytyndysy boıynsha Shuǵyl den qoıý arnaıy jasaǵynyń komandasy jeńimpaz atandy. Ekinshi oryn aıdaýyldyq qyzmet batalonynyń ókilderine buıyrdy. Al jol-patrýldik polıtsııa polkiniń komandasy úshinshi orynǵa ıe boldy», - dedi Almaty q. ІІD Kadrlyq jumys basqarmasynyń bastyǵy, polıtsııa polkovnıgi Oraz Jandosov.