Almatyda páter jóndeımin dep turǵyndardy aldaǵan er adam ustaldy

ALMATY. QazAqparat - Almatyda turǵyn úı kesheniniń turǵyndary páter jóndeımin dep ýáde bergen azamattyń ústinen ujymdyq aryz jazdy, dep habarlaıdy QazAqparat tilshisi.

Ujymdyq aryzda turǵyndar kelisimshart boıynsha páterlerdi jóndeýge ýáde bergen P. esimdi azamattyń óz mindetterin oryndamaı, aldap ketkenin kórsetken.

Polıtsııada atalǵan derek Almaly aýdandyq polıtsııa basqarmasynyń tergeý bóliminiń óndirisine alynǵany týraly habarlady.

«Qylmystyq is QR QK-niń 190-baby 3-bóligimen sotqa deıingi tergeýdiń biryńǵaı tizilimine tirkeldi. Pavlov esimdi azamat ustaldy jáne kúdikti dep tanyldy. Ol ýaqytsha ustaý ızolıatoryna qamaldy. Sot kepil quqyǵynsyz qamaýǵa alýǵa sanktsııa berdi. Qazirgi ýaqytta istiń mán-jaıyn jáne basqa da yqtımal epızodtardy anyqtaý boıynsha keshendi sharalar júrip jatyr», – dedi Almaty qalalyq polıtsııa departamenti bastyǵynyń orynbasary Rústem Ábdrahmanov.