Almatyda parashıýttik kópsaıystan chempıonattyń jeńimpazdary anyqtaldy
Parashıýt daıarlyǵy ortalyǵynyń komandasy Qarýly kúshter Sport komıteti oqý-jattyǵý ortalyǵynyń, Ál-Farabı atyndaǵy QazUÝ sport klýbynyń jáne "OTAN" respýblıkalyq qoǵamdyq birlestiginiń ortalyq sporttyq-tehnıkalyq klýbynyń bazasynda apta boıy ótken jeke-komandalyq jarystyń chempıony atandy.
Jarysqa quramynda 40 sportshysy bar jeti komanda jáne jeke birinshiliktiń bes qatysýshysy shyqty.
Jarys barysynda parashıýtpen 160 ret sekirý oryndaldy. Beıtarap tóreshilik ólsheý rýletkasy men avtomatty ólsheý qurylǵysy arqyly j úrgizildi.
Budan basqa sporttyq-kásibı jarystar baǵdarlamasyna "Kalashnıkov" avtomatynan atý, 100 metr qashyqtyqta erkin stılde júzý, jeńil atletıkalyq kross, sondaı-aq sporttyq baǵdarlaý kirdi.
Jeke jarystaǵy kópsaıys boıynsha aǵa leıtenant Aleksandr Ovdıenko chempıon atanyp, ekinshi oryndy kishi serjant Denıs Islamov, úshinshi oryndy 3-synypty serjant Baýyrjan Kákim enshiledi.
Komandalyq saıystyń nátıjelerin atap ótsek: birinshi orynda Qarýly kúshterdiń Parashıýt daıarlyǵy ortalyǵynyń áskerı qyzmetshileri, ekinshi orynda – 32356 "Arnamaks" áskerı bóliminiń komandasy, júldegerler úshtigine Desanttyq-shabýyldaý áskerleri áskerı qyzmetshileriniń komandasy kirdi.
Birinshiliktiń barlyq qatysýshylary sporttyq ataqtar men razrıadtar alý úshin qajetti biliktilik normatıvterin oryndady.
