Almatyda «Ońtústik» saıabaǵy memleket menshigine qaıtaryldy
Almaty ákimi Erbolat Dosaevtyń Bostandyq aýdany turǵyndarymen kezdesýiniń birinde qala turǵyndary atalǵan jer ýchaskesin memlekettik menshikke alý jáne saıabaqqa abattandyrý jumystaryn júrgizý qajettigi týraly bastama kótergen bolatyn.
«2022 jylǵy 5 qazanda Almaty qalasy mamandandyrylǵan aýdanaralyq ekonomıkalyq sotynyń sheshimimen jer ýchaskesin memleket qajettiligine qaıtarý jónindegi ákimdik talaby qanaǵattandyryldy, ótemaqy somasy 2 338 817 000 teńge mólsherinde aıqyndaldy (sarapshylardyń 2022 jylǵy 21 qyrkúıektegi № 5386 qorytyndysyna sáıkes).
2022 jylǵy 22 jeltoqsanda Almaty qalalyq soty birinshi satydaǵy sottyń sheshimin ózgerissiz qaldyrdy.
2023 jylǵy 13 qańtarda ótemaqy somasy «Jusan Property» JShS-ǵa aýdaryldy»,- dep habarlady Almaty ákimdiginiń baspasóz qyzmetinen.
Qazirgi kezde Almaty qalasynyń Ekologııa jáne qorshaǵan orta basqarmasy «Ońtústik» saıabaǵyn abattandyrý boıynsha jobalaý-smetalyq qujattamany ázirleý qujattaryn daıyndap jatyr.
Eske salsaq, 2007 jyly Bostandyq aýdanyndaǵy Sı Sınhaı kóshesiniń ońtústiginde, Jarokov kóshesiniń shyǵysynda (kad. № 20-313-011-518) jer telimi kópqabatty turǵyn úı salý jáne paıdalaný úshin «Turkuaz Invest» JShS jeke menshigine berilgen bolatyn (Almaty qalasy ákimdiginiń 08.11.2007 j. №9/1097-39 qaýlysy). Keıin ýchaske «Jusan Property» JShS-ǵa berildi.
