Almatyda Ońtústik Koreıamen birlesken ambýlatorlyq klınıka ashyldy
Koreıanyń ozyq dıagnostıkalyq tehnologııalarymen jabdyqtalǵan emhanada tıimdi ota jasaý júıesi engizilgen. Sonymen qatar, Sıngapýr tehnologııalary da paıdalanylatyn bolady. Obyr skrınıngin iske asyrý úshin Seýl ulttyq ýnıversıteti janyndaǵy BIOiNFRA ǵylymı bıologııalyq kompanııasy obyrdy anyqtaý protsesine tolyqqandy tehnıkalyq qoldaýdy qamtamasyz etetin bolady.
(POCT MDx) One Biomed molekýlalyq dıagnostıkasyna negizdelgen genetıkalyq jáne juqpaly aýrýlarǵa zertteýler júrgizý úshin sıngapýrlyq kompanııa tehnıkalyq seriktes bolady. Sonymen qatar, klınıka Koreıadaǵy jetekshi zerthanalardyń biri Seegene Medical Foundation ınvestıtsııalaryn tartyp, Qazaqstanda ortalyqtandyrylǵan zerthanalyq jelini qurý isimen aınalysady.
«Medical Partners Korea Qazaqstan» birlesken kompanııasy (MPK QAZ) Qazaqstanda medıtsınalyq kompanııalar tobyn qurýǵa nıetti. Onda operatsııalyq menedjmentti koreıalyq medıtsına mamandary júrgizetin bolady. Emhana patsıentterge júıeli qyzmet kórsetip qana qoımaı, koreıalyq dárigerlerdiń kómegimen jan-jaqty sapaly baqylaý júrgizedi.
«MPKQAZ patsıentterge qyzmet kórsetý júıesi men kópulttyq medıtsınalyq operatsııa júıesin qurýǵa ázir. Koreıanyń ozyq medıtsınalyq tehnologııalaryn jáne qyzmet kórsetý salasyndaǵy baı tájirıbemizdi qoldanamyz», - dedi medıtsınalyq dırektor, kardıolog-dáriger Hısýk Mın.
Emdeý ádistemesi koreıalyq jáne sıngapýrlyq tehnologııalarǵa negizdelgen klınıka Almatydaǵy bıznes ortalyqtardyń birinde ornalasqan. Qazaqstandyq patsıentterdi eń úzdik koreıalyq mamandar zamanaýı jabdyqtardy qoldana otyryp 13 baǵyt boıynsha qabyldaıtyn bolady.
