Almatyda myńǵa jýyq esirtki jarnamasy joıyldy

ALMATY. QazAqparat - Almatyda trafaretti jarnama naýqany qalanyń Almaly, Bostandyq, Jetisý, Medeý jáne Túrksib aýdandarynyń aýmaǵynda ótti. Oǵan polıtsııa qyzmetkerleri, eriktiler jáne janashyr azamattar qatysty, dep habarlaıdy QazAqparat tilshisi.

Almaty qalalyq polıtsııa departamentiniń Esirtki qylmysyna qarsy kúres basqarmasynyń bastyǵy Erlan Álmaǵambetovtyń eriktiler men belsendiler esirtki qylmysymen kúreste turaqty seriktes ekenin aıtty.

«Qoǵam zań ústemdigin nasıhattap, óskeleń urpaqtyń salaýatty ómir súrý qaǵıdattaryn damytyp, nyǵaıtýǵa zor úles qosqanda óte mańyzdy. Bir mezgilde qalanyń bes aýdanynyń turǵyn úı alqabyn qamtyǵan naýqan barysynda esirtki jarnamasy bar 900-den astam graffıtı jazýlary joıyldy. Sondaı-aq, shahar turǵyndary arasynda 1 myńǵa jýyq taqyryptyq broshıýralar taratyldy», – dedi ol.

Sondaı-aq, polıtsııa aty-jónin atamaý shartymen, azamattar esirtki satatyn adamdar men esirtki jarnamasy kórsetilgen oryndar týraly aqparatty «jedel jeli»: 8-705-549 -70-25 telefon nómirine habarlaýǵa bolatynyn atap ótti.