Almatyda mıtıng ótkizetin oryndar belgilendi

ALMATY. QazAqparat - Almaty qalasynyń máslıhaty qalada beıbit jıyndardy uıymdastyryp, ótkizetin oryndardy bekitti, dep habarlaıdy QazAqparat tilshisi.

«Qazaqstan Respýblıkasynda beıbit jıyndar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» jańa zań 6 maýsymda kúshine endi.

Osyǵan baılanysty sessııa sheshimmen mıtıng ótkizý úshin arnaıy 3 oryn jáne sherý men demonstratsııa úshin birneshe baǵyt belgilendi.

Mıtıng ótkizetin oryndar:

Mahatma Gandı atyndaǵy saıabaq;

«Saryarqa» kınoteatrynyń artyndaǵy gúlzar;

«Shoqan Ýálıhanov» atyndaǵy gúlzar;

Sherý men demonstratsııa ótkizetin baǵyttar: «Shoqan Ýálıhanov» atyndaǵy gúlzardan bastap Shevchenko kóshesiniń boıymen Mahatma Gandı atyndaǵy saıabaqqa deıin.

Sonymen qatar, «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» Zańnyń 9 babynyń 5 tarmaǵynda kózdelgen obektilerdiń irgeles aýmaqtary keminde 150 metr araqashyqtyq shekaramen aıqyndaldy.

Sheshim Konstıtýtsııada belgilengen Qazaqstan azamattarynyń beıbit ári qarýsyz jınalý, jınalystar, mıtıngiler men demonstratsııalar, sherý jáne pıketteý ótkizý quqyǵynyń iske asyrylýyn qamtamasyz etýge baǵyttalǵan.

Búgin Almaty qalasy máslıhatynyń kezekten tys 63-sessııasynda bul joba maquldanyp, Almaty qalasynyń Ádilet basqarmasyna tirkeýge jiberildi.