Almatyda meshitter qashan ashylady

ALMATY. QazAqparat – Almaty qalasy Ortalyq meshitiniń naıb ımamy Ermek Kókirekbaev onlaın brıfıng barysynda meshitterdi kezeń-kezeńmen ashý josparlanyp otyrǵanyn jetkizdi, dep habarlaıdy QazAqparat tilshisi.

Onyń aıtýynsha, Qazaqstan musylmandary dinı basqarmasy meshitterdiń tolymdylyǵyn 30 paıyzdan asyrmaı, bir kelýshige 4 sharshy metr talabyn saqtaı otyryp, meshitterdi kezeń-kezeńimen ashý týraly usynys jasady.

«Qazaqstan musylmandary dinı basqarmasy osy máselege baılanysty quzyretti mekemelerge karantın talaptaryn saqtaı otyryp, meshitterdi qaıta ashý turaly usynys berdi. Ótkizgen kelissózderde QMDB-nyń usynysy maquldandy. Meshit tolymdylyǵyn 30 paıyzdan asyrmaý, bir kelýshige 4 sharshy metr talabyn saqtaı otyryp, meshitterdi kezeń-kezeńimen ashý talqylanýda. Meshitter jaqyn kúnde qaıta ashylady degen úlken úmit bar», – deıdi Ermek Kókirekbaev.

Sonymen qatar, ol eger meshitterdiń jumysy jandanatyn bolsa, sanıtarlyq talaptar tolyq saqtalatynyn jetkizdi.

«Qaladaǵy barlyq meshitterge dezınfektsııa jumystaryn júrgizý týraly tapsyrmalar berilgen. Demeýshilerdiń kómegimen qazir dezınfektsııa jasaıtyn qurylǵylar satyp alyndy, ıaǵnı meshitter qaýipsizdik sharalaryna saqadaı saı otyr», - dep qortyndylady Ortalyq meshitiniń naıb ımamy Ermek Kókirekbaev.