Almatyda medıtsınalyq kómek kórsetý tásilderi ózgertildi
Qalada jedel medıtsınalyq járdemnen, emhanalar men statsıonarlardyń jumysynan bastap medıtsınalyq kómekti uıymdastyrý boıynsha júıeli jumys qurylǵan. Eger buǵan deıin klınıkalar provızorlyq jáne ınfektsııalyq statsıonarlarǵa bólingen bolsa, búginde olar patsıentterdiń jaǵdaıynyń aýyrlyq dárejesine qaraı bólinedi.
«Biz olardy úsh sanatqa bóldik. Birinshi sanattaǵy klınıkalary — eń jaqsy materıaldyq-tehnıkalyq bazasy bar klınıkalar, onda asa damyǵan reanımatsııa qyzmeti, qajetti mamandar jıyntyǵy bar. Ekinshi sanattaǵy klınıkalarda mamandar da bar, biraq reanımatsııalyq tósek-oryn sany az. Úshinshi sanattaǵy klınıkalarǵa biz aýrýynyń aýyrlyq dárejesi salystyrmaly túrde jeńil jáne ortasha patsıentterdi jatqyzamyz. Mundaı aǵyndar boıynsha bólý bizge patsıentterdiń marshrýtyn júıeli túrde qurýǵa múmkindik berdi», — dedi K. Nadyrov.
Onyń aıtýynsha, búginde qalada tósek-oryn sany men saýyǵyp shyqqan patsıentter sanynyń artqany baıqalady.
«Eger buryn bizde tósek-oryndardyń bos bolmaýy aýrýlar eń kóbeıgen sátte 90%-ǵa jetken bolsa, qazir bul kórsetkish 50%-dan az. Árbir ekinshi tósek-oryn búginde bos, biraq osyǵan qaramastan, biz tósek-oryn qoryn ulǵaıtýdy jalǵastyryp jatyrmyz», — dedi Almaty qalasynyń Qoǵamdyq densaýlyq basqarmasynyń basshysy.
Sondaı-aq BMSK deńgeıinde medıtsınalyq kómek kórsetý tásilderi ózgerdi, tek KVI-men aýyrǵan patsıenttermen ǵana jumys isteıtin arnaıy mobıldi brıgadalar quryldy.
«Búgingi tańda 72 mobıldi brıgada bar, dárigerler men ortasha medıtsınalyq qyzmetkerler sany 400 adamǵa jetti. Buryn 200 adam bolǵan. Mobıldi brıgadalardyń mindeti — patsıentterdi BMSK deńgeıinde barynsha ustaý, ıaǵnı asqynýlardyń damýyna jáne kelesi deńgeıge — statsıonarlyq deńgeıde jetkizbeý», — dedi ol.
Sonymen qatar, qalada jedel járdem jumysynyń tásilderi ózgerdi. Búgingi kúni jedel járdem patsıentterge kelgende, olardyń ázirlengen chek-paraǵy bolady, sol boıynsha patsıenttiń aǵymdaǵy jaǵdaıyn obektıvti baǵalaýǵa bolady. Aýrýdyń aýyrlyq dárejesine baılanysty jedel járdem naýqasty qandaı aýrýhanaǵa jatqyzý týraly sheshim qabyldaıdy.
Aıta ketý kerek, COVID-19-pen kúreske tartylǵan medıtsınalyq uıymdardyń sany artyp keledi. Búgingi kúni qalada shamamen 6 myń tósek-oryn bar, onda 4 440 medıtsınalyq qyzmetker jumys isteıdi.
«Biz sonymen qatar medıtsına kadrlaryn jumyldyrý máselesin qarastyrýdamyz, óıtkeni bizdiń aldymyzda tósek-oryn sanyn kem degende 7 700-ge deıin jetkizý mindeti tur. Búginde biz 1 500-ge jýyq dárigerdi qabyldadyq. Olarmen úlken daıyndyq jumystary júrgizilýde. Olar ınfektsııalyq qaýipsizdik, patsıentterdi emdeýdi júrgizý jáne t. b. máseleler boıynsha oqytylyp jatyr. Bul turǵyda bizde osyndaı mamandardy daıyndaıtyn arnaıy oqý-klınıkalyq ortalyq quryldy», — dedi ol.
Sonymen qatar, qala basshylyǵy tósek-oryn sanyn arttyrý úshin barlyq nusqalardy pysyqtaýda. Qaladaǵy «Halyk Arena» muzaıdyn saraıynyń bazasynda gospıtal ashyldy, onda 1000 tósek-oryn ornalasqan. Sondaı-aq, sol jerge medıtsınalyq gazdar, ottegi jetkizip, tolyqqandy reanımatsııalyq bólim ashý josparda bar.
«Medıtsınalyq mekemelerden basqa, biz basqa da nysandardy zerdeledik, atap aıtqanda, bastapqyda psıhonevrologııalyq aýrýlardy emdeý ortalyǵy retinde salynyp jatqan áleýmettik nysandardyń birine toqtaldyq. Biz barlyq ınfraqurylymdy zerttep, ony medıtsınalyq nysan retinde qaıta beıindeý úshin óte qolaıly ekenin túsindik. Búginde tıisti jumystar júrgizilýde. Bul 500 tósek-oryndyq tolyqqandy statsıonar bolady, ony qyrkúıek aıynda paıdalanýǵa berýdi josparlap otyrmyz. Onda ınfektsııalyq qaýipsizdiktiń barlyq talaptary saqtalatyn bolady», — dep túıindedi K. Nadyrov.
