Almatyda medıtsına kadrlaryn oqytýǵa 120 grant bólindi

ALMATY. QazAqparat - Bıyl 120 rezıdentti asa tapshy dárigerlik mamandyqtar boıynsha oqytýǵa jergilikti bıýdjetten 2-3 oqý jylynyń uzaqtyǵyna oraı qarjy bólindi, dep habarlaıdy QazAqparat tilshisi.

QR Densaýlyq saqtaý mınıstrligi «Óńirlerde medıtsına kadrlarynyń tapshylyǵyn tómendetý boıynsha qabyldanyp jatqan sharalar týraly» Jol kartasyn, sondaı-aq «Almaty qalasynda medıtsına kadrlarynyń tapshylyǵyn tómendetý boıynsha qabyldanyp jatqan sharalar týraly» Jol kartasyn iske asyrý maqsatynda 2021 jyldan bastap Almaty qalasynyń ákimdigi talap etiletin klınıkalyq mamandyqtar boıynsha dárigerlerdi rezıdentýrada oqytýǵa qarjy bólip keledi.

Qazirgi ýaqytta 2021 jyly oqýǵa túsken 108 maman rezıdentýrada oqýyn jalǵastyrýda. 2022 jyly 120 rezıdentti asa tapshy dárigerlik mamandyqtar boıynsha oqytýǵa jergilikti bıýdjetten 2-3 oqý jylynyń uzaqtyǵyna oraı qarjy bólindi.

Mamandyqtar boıynsha granttardyń eń kóp sany rezıdentýraǵa anestezıologııa jáne reanımatologııa (2021 jyly – 35 oryn, 2022 jyly – 10 oryn), juqpaly aýrýlar (2021 jyly – 15 oryn, 2022 jyly – 8 oryn), pedıatrııa (2021 jyly – 6 oryn, 2022 jyly – 8 oryn) boıynsha bólindi – 10 oryn), oftalmologııa boıynsha (2021 jyly – 6 oryn, 2022 jyly – 11 oryn).

2023 jylǵa qajetti mamandyqtar boıynsha rezıdentýraǵa 130 grant jáne «epıdemıologııa» mamandyǵy boıynsha magıstratýrada 10 oryn oqytý josparlanǵan.

Bıyl 24 tamyzda rezıdentterdi daıarlaýǵa memlekettik bilim berý tapsyrysyn qalyptastyrý, bólý jáne ornalastyrý jónindegi konkýrstyq komıssııanyń otyrysy ótti. Bekitilgen qaǵıdaǵa sáıkes konkýrstyq komıssııanyń quramy Almaty qalasy ákiminiń ókimimen bekitilgen jáne jergilikti atqarýshy organnyń qyzmetkerlerinen, azamattyq qoǵam ókilderinen turady.

Almaty ákimdiginiń bilim berý grantyn taǵaıyndaý konkýrsyna qatysý úshin medıtsınalyq ýnıversıtetter túsý emtıhany boıynsha eń joǵary ball jınaǵan úmitkerlerdiń tizimin beredi. Bıyl konkýrsqa 284 úmitker qatysty. Konkýrstyq komıssııanyń sheshimi boıynsha Almaty ákimdiginiń grantyna 120 qatysýshy ıe boldy.

Bilim berý grantynyń ıegerimen Almaty qalasynyń medıtsınalyq uıymdarynda tıisti mamandyq boıynsha 5 jyl jumysty óteý týraly rezıdenttiń mindetteme tarmaǵymen úsh jaqty shart jasalady.