Almatyda maıdangerler sherýi ótti

ASTANA. 6 mamyr. QazAqparat - Otan qorǵaýshy jáne Uly Jeńistiń 68 jyldyǵyna oraı Almatyda soǵys jáne eńbek ardagerleri, jaýynger-ınternatsıonalıster jáne Qylmystyq-atqarý júıesi ardagerleriniń sherýi ótti.

Bul týraly Almaty qalasy jáne Almaty oblysy boıynsha Qylmystyq-atqarý júıesi departamentinen habarlady.

Atalmysh departament qyzmetkeri Sh. Hýsaınovanyń aıtýynsha saltanatty sharaǵa alǵash ret osy óńirdegi 10 túzeý mekemesiniń jeke quramy qatysty.

Almaty qalasy jáne Almaty oblysy boıynsha Qylmystyq-atqarý júıesi departamentiniń bastyǵy Bakytjan Sadybekov ardagerlerge alǵys aıtty. Al «Namys» shuǵyl áreket etý tobynyń qyzmetkerleri men kınologtar óz kásipterinen habardar eter sharalar uıymdastyrdy.

Ardagerlerge baǵaly syılyqtar tabys etilip, dastarhan jaıyldy.

Saltanatty shara barysynda Qylmystyq-atqarý júıesiniń jas qyzmetkerleri Otanǵa adaldyq antyn qabyldady.