Almatyda lańkestikke qatysy bar degen kúdikpen taǵy 1678 adam ustaldy
Komendatýra málimetinshe, Alataý jáne Medeý aýdandarynyń aýmaǵynda lańkesterden tazartý jumystary júrgizildi.
«Lańkestik, tonaý jáne basqa da qylmystardyń 1678 qatysýshysy ustaldy. Zańsyz aınalymnan 36 birlik atys qarýy men 1 476 oq-dári tárkilendi. Almatynyń shetinde ornalasqan 5 blok- bekette 38 adam ustaldy. «102» pýltine 881 habarlama kelip tústi. Komendatýranyń Koll-tsentrine azamattardan jedel áreket etýdi talap etetin 136 dabyl tústi. Barlyq habarlama óndeldi»,- dedi Almaty qalasynyń komendanty Qanat Taımerdenov.
Sonymen qatar, ol turǵyndardy komendanttyq saǵatty buzbaýǵa shaqyrdy.
« Men Almaty qalasynyń komendanty retinde azamattarǵa úndeý joldaımyn. Arańdatýshylarǵa ermeı tek resmı derekterden alynǵan aqparattardy qoldanyńyzdar. Zań talaptaryn qatań saqtap, qoldanylyp jatqan sharalarǵa túsinistikpen qaraýlaryńyzdy suraımyn», - dedi ol.
