Almatyda lańkester qandaı taktıka qoldanǵany belgili boldy

NUR-SULTAN. QazAqparat – Lańkester polıtsııany sharshatyp, kúshterdi osal etý úshin túrli tásilder qoldandy. Bul týraly búgin Ortalyq kommýnıkatsııalar qyzmetinde Almaty qalalyq Polıtsııa departamentiniń bastyǵy Qanat Taımerdenov málim etti, dep habarlaıdy QazAqparat tilshisi.

«Bıliktiń bedeline nuqsan keltirý úshin qylmyskerler polıtseıler men áskerı qyzmetkerlerdiń kıimin kıip alǵan. Alańnyń perımetri men qalanyń ortalyq kóshesinde 493 beınebaqylaý kamerasy isten shyqqan. Joldarǵa tosqaýyl qoıyldy, perımetrler aınalysyna baqylaýshylar ornalastyrylǵan. 4-5 adamnan quralǵan lańkester basyp alǵan kóliktermen memlekettik nómirsiz júrgen», - dedi Qanat Taımerdenov.

Onyń aıtýynsha, qozǵalys kezinde olar polıtsııa jasaqtary men blokposttarǵa oq atqan.

«Qarý-jaraq pen áskerı tehnıkany tartyp alý maqsatynda Qorǵanys mınıstrliginiń áskerı bólimderine shabýyl jasaldy. Olar Almaty halyqaralyq áýejaıyn basyp alǵan. Saýda jáne oıyn-saýyq ortalyǵyna, qarjy ǵımarattaryna shabýyldar jasaldy. Qalanyń ár túkpirinen bir mezgilde ártúrli ǵımarattarǵa «mına» qoıylǵany, atys-shabýyl týraly jalǵan habarlamalardyń kóptep túskenin atap ótkim keledi. Bul taktıkany lańkester polıtsııany sharshatyp, kúshterdi osal etý úshin qoldanǵan», - dedi departament basshysy.

Budan buryn habarlanǵandaı, 5 qańtar kúni tańerteń Almatyda qala ortalyǵyna bir mezgilde 20 myń adam jınaldy.

Onyń aıtýynsha, Polıtsııa departamentiniń ǵımaratyn basyp alýǵa lańkester 27 ret áreket jasady.

Budan buryn habarlanǵandaı, 5 qańtar kúni tańerteń Almatyda qala ortalyǵyna bir mezgilde 20 myń adam jınaldy.

Odan keıin Respýblıka alańyna jınalǵan myńdaǵan shabýylshylar ákimdik ǵımaratyn basyp alýǵa taǵy da árekettengen.

Polıtsııa departamentiniń basshysy Almatyda lańkester 1347 qarý urlaǵanyn aıtty.