Almatyda lamınat qoımasy órtendi
Qalalyq tótenshe jaǵdaılar departamenti baspasóz qyzmetinen habarlaǵandaı, 25 tamyz túngi saǵat 01:36 shamasynda Jetisý aýdany Súıinbaı dańyǵyly 55 mekenjaıynda qoıma órtengeni týraly aqparat kelip tústi.
Kúshter men quraldar joǵary dárejededegi shaqyrtý boıynsha shyqty. Kelgen kezde aýmaǵy 295 sharshy metr angar tıpti qoıma ashyq jalynmen janyp jatty.
«Joǵary termııalyq áserden qoımanyń metall qaptamasy maıysyp, órttiń kórshi qoımalarǵa ótý qaýpi týyndady. 2 órt sóndirý ýchaskesi quryldy, janyndaǵy qoımalardy ottan jáne salqyndatý úshin qol jáne lafettik oqpandar engizildi, benzorezben qyzǵan konstrýktsııalary kesildi. Órtti sóndirý angardyń joǵary janǵysh júktemesimen jáne joǵary elektr symdary jeke quramnyń elektr togynyń soǵý qaýpimen qıyndady. Nysandy arnaıy qyzmet ókilderi ajyratty. Órt sóndirýshiler qaýipsizdik tehnıkasyn saqtaı otyryp jumys istedi. Qoımada lamınat boldy»,- dedi TJD baspasóz qyzmetinen.
Tilsiz jaýdy aýyzdyqtaýǵa 60 qyzmetker men 16 tehnıka jumyldyryldy. Órtti joıýǵa órttiń búkil perımetri boıynsha oqpandardyń birkelki berilýi yqpal etti.
Órt túngi saǵat 02:21 mınýtta oqshaýlanyp, 04:40 mınýtta tolyǵymen joıyldy.
Qazirgi ýaqytta qurylymdardy bólshekteý jáne sý tógý jumystary jalǵasýda.