Almatyda «qyzyl» aımaqtyń karantındik shekteýleri taǵy 7 kúnge sozylady
Almaty ákimi Baqytjan Saǵyntaevtyń tóraǵalyǵymen ótken otyrysta sanıtarlyq-epıdemıologııalyq jaǵdaıdy turaqtandyrý jáne qala turǵyndaryn vaktsınalaý qarqyny jónindegi sharalar qaraldy.
Infektsııanyń taralý qarqyny boıynsha qalanyń «qyzyl» aımaqtan «saryǵa» ótýine qaramastan, shekteýler taǵy bir aptaǵa saqtalady. Áýejaı, temirjol jáne avtovokzaldar da, sondaı-aq oqý oryndarynda profılaktıkalyq sharalardy kúsheıtý jalǵasýda. Kórshiles Reseıdegi epıdemıologııalyq ahýaldyń nasharlaýyna baılanysty almatylyqtar sanıtarlyq-epıdemıologııalyq sharalardy saqtaýdy jalǵastyryp, indetke tosqaýyl qoıý úshin vaktsınalaný qarqynyn kúsheıtý qajet. Reseı men Eýropa elderinen kelgender derttiń kezekti ósýine jol bermeý úshin baqylaýǵa alynady. Búgin mobıldi brıgadalar áýejaıda, temirjol vokzaldarynda jáne avtovokzaldarda kezekshilik etedi. Áýejaıda halyqaralyq ushyp kelý zaldarynda temperatýrasy bar jolaýshylardy anyqtaý úshin 7 statsıonarlyq baılanyssyz teplovızor ornatylǵan, kelgenderge saýalnama júrgiziledi.
Taǵy bir teplovızor ishki reıster zalynda ornalasqan. Budan ózge, áýejaı Ashyq jobasyna qatysýshy, onda osy jyldyń 21 mamyrynan bastap «qyzyl» mártebesi bar 257 jáne «sary» mártebesi bar 54 adam anyqtaldy.
Baqytjan Saǵyntaev juqtyrý dınamıkasynyń tómendeýine qaramastan, sanıtarlyq dárigerler men epıdemıologtardyń shekteý sharalaryn saqtaý jónindegi usynystaryna jiti nazar aýdarý kerektigin atap ótti.
Shekteý sharalary eldiń bas memlekettik sanıtarlyq dárigeriniń qaýlysyna sáıkes 7 kún boıy jalǵasady. Báseńdeý nemese kúsheıtý máseleleri qaladaǵy epıdemıologııalyq ahýaldyń damýyna baılanysty qaralatyn bolady.