Almatyda kúzetshige oq atyldy: Shabýyl sátinen vıdeo tarady

NUR-SULTAN. QazAqparat – Áleýmettik jelide Almaty qalasyndaǵy «Buhar jyraý» turǵyn úı kesheni kúzetshisin qarýly adamnyń myltyqpen jaraqattaǵan sátinen vıdeo tarady, dep habarlaıdy QazAqparat tilshisi.

Áleýmettik jelide taraǵan vıdeodan eki adamnnyń sóılesip turǵanyn, odan keıin er adamnyń kúzetshiniń aıaǵyna oq atyp, boı tasalaǵanyn baıqaýǵa bolady.

Eske sala keteıik, búgin Almatyda turǵyn úı kesheniniń kúzetshisi ańshylyqqa arnalǵan myltyqtan jaraqat alǵan bolatyn.

Polıtsııa departamentiniń málimetinshe, kúzetshi men belgisiz er adamnyń arasynda týyndaǵan janjal saldarynan kúzetshiniń aıaǵy ańshylyq myltyqtan jaralanǵan.

Ol aýrýhanada jatyr.

Qazirgi ýaqytta turǵyn úıdegi páterge tyǵylǵan atqyshpen kelissóz júrip jatyr.

Qarýly adam kelissózden bas tartty. Oǵan qosa, ol baspaldaq alańyna qaraı 10-nan astam oq atqan.