Almatyda Konstıtýtsııa kúnine oraı saltanatty jıyn ótti
Saltanatty jıynda sóz sóılegen ákim Elbasynyń qazirgi Qazaqstandy qurýdaǵy tarıhı rólin atap ótti.
«1995 jyly Konstıtýtsııanyń qabyldanýy – kúrdeli saıası jaǵdaıda jasalǵan halyqtyń tarıhı taǵdyrynyń tańdaýy. Bul – QR Tuńǵysh Prezıdenti – Elbasy N.Á.Nazarbaevtyń basshylyǵymen elimizdiń tarıhynda jasalǵan jańa qadam. Ol kezde, jalpyulttyq referendýmda, qazaqstandyqtar zamanaýı quqyqtyq memleketke daýys bergen edi», - dedi Baqytjan Saǵyntaev.
Baqytjan Saǵyntaev Konstıtýtsııa elimizdiń barlyq azamattary úshin aldaǵy onjyldyqtarda qundylyqty platformaǵa aınalǵanyn jáne qoǵamymyzdy biriktirgenin atap ótti.
«Tarıhtan kórgenimizdeı,tabysqa jetken barlyq elderdiń jetistikteriniń negizin myqty saıası kóshbasshylyq pen saıası eriktilik quraıdy. Elbasy – Qazaqstannyń zamanaýı konstıtýtsııalyq qurylymynyń negizin qalaýshy», - dedi B. Saǵyntaev.
Ákim Elbasynyń1995 jyly qabyldanǵan zańdy kúshine ıe 147 jarlyǵy naryqtyq baılanysty kúsheıtip, Nursultan Nazarbaev shyǵarǵan Qazaqstannyń alǵashqy jańǵyrý tájirıbesine aınalǵanyna toqtaldy.
Sondaı-aq, ákim búgin, elimizdiń jańa damý kezeńinde, biz Prezıdent Qasym-Jomart Toqaevtyń basshylyǵymen qazaqstandyq úlgi – «Nursultan Nazarbaevtyń úlgisi» boıynsha damý jolyn jalǵastyryp jatqanyn atap ótti.
Avtory Danııar Dáýitálıev