Almatyda kolledjge túsýdiń sharty ózgerdi
Bul týraly onlaın brıfıng barysynda Almaty qalalyq bilim basqarmasynyń tehnıkalyq jáne kásiptik bilim berý bóliminiń basshysy Áset Muhanbetov jańa mehanızm «stýdentke aqsha» qaǵıdatyna negizdelgenin aıtty, dep habarlaıdy QazAqparat tilshisi.
Onyń aıtýynsha, memlekettik tapsyrys talapkerdiń tańdaýy boıynsha kolledjderge naqty qabyldaý nátıjeleri boıynsha ornalasady.
«Memlekettik tapsyrys belgili bir upaı jınaǵan jáne básekege qabiletti kolledjderge beriledi. Memlekettik tapsyrys boıynsha oryn alǵysy keletin talapkerler tizimge engen kolledjderdi ǵana tańdaı alady», - dedi Almaty Bilim basqarmasynyń ókili Áset Muhanbetov.
Byltyr kolledjder qabyldaý emtıhandaryn óz betinshe ótkizgen bolsa, endi básekelestik ortasha upaı boıynsha avtomatty rejımde ótkiziledi.
Demek, JOO-na túsý úshin medıtsınalyq, pedagogıkalyq pen shyǵarmashylyq mamandyqtardan basqa UBT sertıfıkaty talap etilmeıdi.
Sonymen qatar, ol bul sharalar memlekettik tapsyrysty qabyldaý men ornalastyrý protsesiniń ashyqtyǵyn qamtamasyz etýge, kolledjder arasyndaǵy básekelestikti kúsheıtýge múmkindik beretinin atap ótti.
Sondaı-aq barlyq mektep túlekteri bilim basqarmalarynyń aqparattyq júıeleri arqyly kásibı dıagnostıkadan ótý múmkindigi bar. Nátıjesinde talapker belgili bir mamandyqty alýǵa usynystar alady, usynylǵan mamandyqtardyń kartalarymen tanysady.
Kásibı dıagnostıka qorytyndysy boıynsha talapker 4 mamandyq pen 4 kolledj tańdaı alady.
Bul rette talapkerlerdi jumysshy biliktiligi, arnaıy bilim berý baǵdarlamalary boıynsha qabyldaý tikeleı kolledjderde konkýrstan tys júzege asyrylady.
«Almatyda 83 orta-arnaıy oqý orny bar, onyń 22-si memlekettik. Onyń ústine, 47 kolledjde oqýshylardy memlekettik tapsyrys boıynsha oqytady. Stýdentter 21 myń teńge kóleminde stıpendııa alady.
