Almatyda kóktemgi áskerge shaqyrý naýqany aıaqtaldy

ALMATY. QazAqparat- 2023 jyldyń kóktemgi áskerge shaqyrý naýqany búgin aıaqtaldy. Onyń qorytyndysy týraly óńirlik kommýnıkatsııalar qyzmetinde ótken brıfıngide Almaty qalasy qorǵanys isteri jónindegi departamenti zań qyzmetiniń basshysy Dáýrenbek Shegebaev aıtyp berdi, dep habarlaıdy QazAqparat tilshisi.

Spıkerdiń sózinshe, jyl sońyna deıin Almaty qalasy boıynsha 2 500-ge jýyq adamdy shaqyrý josparda bar.

«Azamattardy merzimdi áskerı qyzmetke shaqyrý jylyna eki ret, naýryzdan maýsymǵa deıin jáne qyrkúıekten jeltoqsanǵa deıin júrgiziledi. 2023 jylǵy kóktemgi áskerge shaqyrýdy qorytyndylaı kele, QR UQK Shekara qyzmetine, QR Qarýly Kúshterine, Memlekettik kúzet qyzmetine jáne QR ІІM Ulttyq ulanyna 1 200-ge jýyq azamat shaqyrylǵany anyqtaldy. Osy jyldyń sońyna deıin Almaty qalasy boıynsha 2 500-ge jýyq adamdy shaqyrý josparlanyp otyr», - dedi Dáýrenbek Shegebaev.

Spıker áskerı qyzmetke shaqyrýdy keıinge qaldyrý mynadaı negizder boıynsha beriletinin eske saldy:

- otbasylyq jaǵdaıǵa baılanysty (otbasy músheleriniń birine qaraıtyn, múgedek jan bar bolsa, neke turyp, bir nemese eki balasy bolsa);

- oqýyn jalǵastyrý úshin (qashyqtan oqyǵanda qospaǵanda, oqý oqyǵan kezinde);

- densaýlyǵyna baılanysty (shaqyrý komıssııasynyń sheshimimen);

- basqa da sebepterge baılanysty (olarǵa qatysty anyqtaý júrgiziletin quqyq qorǵaý organdaryna túsetin pedagogterge, dárigerlerge, depýtattarǵa, ushý ekıpajdary men kemeleriniń múshelerine).

«Qolda bar áleýmettik paket: turaqty jalaqy, tegin medıtsınalyq qamtamasyz etý, erte zeınetke shyǵý, zattaı qamtamasyz etý jáne jeke turǵyn úı satyp alý úshin turǵyn úı tólemderine qaraı, merzimdi áskerı qyzmetten keıin kelisimshart negizinde qyzmette qalýǵa nıet bildirgen azamattar az emes», - dep tolyqtyrdy ol.

Sonymen qatar ol áskerı qyzmetten jaltarǵany úshin jaýapkershilik qarastyrylǵanyn eske saldy.

«Áskerı qyzmetti oryndaýdan jaltarǵan adamdardy izdestirýdi ishki ister organdarynyń qyzmetkerleri júzege asyrady. Olar azamattardy toqtatyp, olardyń qujattaryn tekserýge quqyly. Eger shyn máninde azamattyń bolý orny boıynsha áskerı esepte turmaıtyny anyqtalsa, ákimshilik kodekste ol jeti kún ishinde áskerı esepke turýy tıis dep kózdelgen. Bul adamdar is júzinde jergilikti áskerı basqarý organdaryna jiberiledi jáne habarlanady. Biz tıisinshe ákimshilik yqpal etý sharalaryn qabyldaımyz jáne adam odan ári tekseriledi. Áskerı qyzmetten jaltarǵan adamdar anyqtalyp, jalpy negizde bólinedi. Shekteýler joq, olar úshin belgili bir sanat joq. Barlyq azamat zań aldynda teń. Olar zańnamada kózdelgen tártippen qyzmet ótkerip jatyr», - dedi spıker.