Almatyda qoǵamdyq tamaqtaný oryndarynda gaz ballondaryn saqtaý erejesi talapqa saı emes - mamandar

ALMATY. QazAqparat- Almatyda mamandar jyl basynan beri 649 nysandy tekserdi. Nátıjıesinde 235 qoǵamdyq tamaqtaný orny gaz ballondaryn saqtaý erejesin buzǵany anyqtaldy.

Bul týraly Óńirlik kommýnıkatsııalar qyzmetiniń alańynda ótken baspasóz máslıhatynda qalalyq kommýnaldyq ınfraqurylymdy damytý basqarmasy basshysynyń orynbasary Nurbol Qajın málim etti, dep habarlaıdy QazAqparat tilshisi.

«Jyl basynan beri 58 saýda bazary, 56 saýda ortalyǵy, 535-ke jýyq qoǵamdyq tamaqtandyrý nysany (10-nan 100 orynǵa deıin), onyń ishinde 235 nysanda gaz ballondaryn talaptardy buza otyryp paıdalaný faktileri anyqtaldy», - dedi spıker.

Nurbol Qajınniń aıtýynsha, sońǵy jyldary megapolıstegi meıramhana bıznesiniń ıeleri ashyq alańdarda, terrassada, kóshedegi kafede jergilikti jylytýǵa arnalǵan syrtqy ınfraqyzyl gaz jylytqyshtaryn paıdalanatyn bolǵan.

Sonymen qatar, Kommýnaldyq ınfraqurylymdy damytý basqarmasynyń ókili park resýrsy jańartylmaǵandyqtan, ballondardy paıdalaný qaýpi jyl saıyn artyp otyrǵanyn aıtty. Almaty qalasynda paıdalanylyp júrgen ballondardyń qyzmet etý merzimi orta eseppen 30 jyldan asty.

«Suıytylǵan gaz naryǵynda bólshek saýdany gaz jelileriniń uıymdary men gaz toltyrý stantsııalarynyń ıeleri júzege asyrýy kerek, olar turmystyq ballondardyń jaqsy tehnıkalyq jaǵdaıyn, olardyń apattyq jáne josparly qyzmet kórsetýin qamtamasyz etýi tıis», - dep atap ótti ol.

Ashyq kózderden alynǵan foto