Almatyda keıbir kásiporyndardyń jumys isteýine nege ruqsat berilmedi

ALMATY. QazAqparat - Almatyda 20 sáýirden bastap keıbir kásiporyndardyń ashylýyna tyıym salynǵan. Qalanyń bas sanıtar dárigeri Jandarbek Bekshın onlaın brıfıng barysynda onyń birneshe sebebin atady, dep habarlaıdy QazAqparat tilshisi.

Arnaıy komıssııa Almatyda 41 qurylys alańyn tekserip shyqqan.

«Onyń ishinde tek 11 kompanııa ruqsat aldy. Jalpy alǵanda sanıtarlyq-epıdemıologııalyq qyzmettiń ruqsatyn tek 15 óndiristik kásiporyn men 26 qurylys alańy alǵan», - dedi ol.

Tekserý kezinde kópshiliginde jeke gıgıena talaptary saqtalmaǵany anyqtaldy.

«Qol jýǵyshtar, sanıtaızerler bolmaǵan. Jumyskerler maska taqpaǵan. Olardyń bólek-bólek tamaqtanýy qamtamasyz etilmegen. Óndiris ornyn, qurylys alańyn zararsyzdandyrý boıynsha kelisimshart bolmaǵan. Sol sebepti kópshiligine ruqsat berilmedi», - dedi Bekshın.

Onyń aıtýynsha, 27 sáýirden bastap taǵy biraz kásiporyndar jumysqa kirisedi.

«Qazir daıyndyq júrip jatyr. Tolyq tekserýden soń ashylady», - dedi J.Bekshın.