Almatyda káriz jelilerin jýý jumystary qolǵa alyndy

ALMATY. QazAqparat - Almaty qalasynyń Medeý aýdanynda káriz jelilerin jýý jumystary 5-7 naýryz aralyǵynda josparlanǵan, dep habarlaıdy QazAqparat tilshisi «Almaty Sý» KMK-ǵa silteme jasap.

Atalǵan kúnderi Dostyq dańǵylynan Seıfýllın kóshesine deıin Shevchenko jáne Qurmanǵazy kóshelerindegi qozǵalys qıyndaý bolady. Sebebi, munda arnaıy tehnıkalar jumysqa tartylady.

«Bul jumystar aǵyndy sýlardy úzdiksiz burýdy qamtamasyz etý úshin qajet. Jyl saıyn qalada 1000 km astam káriz jelileri men 70 myń káriz qudyqtaryn jýý jáne tazalaý júzege asyrylady. Ýaqytsha keltirilgen qolaısyzdyqtarǵa túsinistikpen qarap, joldyń kórsetilgen ýchaskesi boıynsha marshrýttardy aldyn ala josparlaýdy suraımyz. Suraqtar boıynsha 274-66-66 telefonyna habarlasýǵa bolady», - dedi «Almaty Sý» KMK-da.