Almatyda qarııalardyń zeınetaqysy úıine aparyp beriletin boldy

ALMATY. QazAqparat – Almaty ákimdigi karantın mezgilinde 70 jastan asqan qarııalardyń zeınetaqysyn úıine deıin jetkizip beretin boldy. Bul týraly óńirlik kommýnıkatsııalar qyzmetinde «Qazposhta» AQ Almaty bólimshesiniń dırektory Álııa Súgirbaeva aıtty, dep habarlaıdy QazAqparat tilshisi.

Onyń aıtýynsha, 70 jastan asqandarǵa zeınetaqy úıine deıin jetkiziledi.

«Ákimdikpen birige otyryp zeınetkerlerge zeınetaqysyn úıine deıin jetkizip berý máselesi qarastyrylyp jatyr. «Qazposhta» 80 jastan asqan zeınetkerlerge de qyzmet kórsetedi. Biz olarǵa bylaı de zeınetaqysyn jetkizip beretinbiz. Endi biz 70 jastan asqan qarııalardy da qosyp jatyrmyz. Bizdiń qyzmetkerlerimiz barlyq qorǵanys quraldarymen jabdyqtalǵan», - dedi ol.

Odan bólek «Qazposhta» ákimdiktiń karantın mezgilinde qalalyqtardy qoldaý baǵdarlamasyn júzege asyrýǵa belsene atsalysatyn bolady.

«Almaty ákimdigi uıymdastyrǵan áleýmettik turǵydan az qamtylǵan otbasylardy qoldaý jobasy aıasynda «Qazposhta» azyq túlik paketterin logıstıkalyq seriktesterdiń biri bolmaq. Qazir bólimshede kýrerler men 70 kólik daıyn», - dedi Álııa Súgirbaeva.

Odan bólek qaýipsizdik maqsatynda adammen baılanys týdyrmaı jetkizý tásilderi qarastyrylyp jatyr.