Almatyda kardıologtar medıtsınalyq saqtandyrý aıasynda 328 operatsııa jasady
Kardıologııa jáne ishki aýrýlar ǴZI operatsııa jasaý blogy men jasandy qanaınalym zerthanasy bar kardıohırýrgııa bólimshesinde kardıohırýrgııalyq operatsııalardyń barlyq túrleri jasalady.
2020 jyly tegin medıtsınalyq kómektiń kepildik berilgen kólemi men MÁMS sheńberinde 328 kardıohırýrgııalyq operatsııa jasaldy. Bul 2019 jylmen salystyrǵanda 93 kóp.
Kardıohırýrgııa bólimshesiniń meńgerýshisi Rústem Tóleýtaevtyń aıtýynsha, júrek yrǵaǵy buzylystarynyń eń kóp taralǵan túri men qaýiptisi - júrek kemistigi jáne júrektiń ıshemııalyq aýrýlarymen jıi birigetin júreksheler fıbrıllıatsııasy.
Mundaı jaǵdaılarda júrek aqaýlaryn júrek qaqpaqshalaryna plastıka qoıý jáne almastyrý nemese koronarlyq shýnttaý - patsıenttiń ómir súrý sapasyn qalpyna keltire qoımaıdy. Olardyń ómir súrý sapasy júrek kemistigi, JIA jáne júreksheler fıbrıllıatsııasyn bir mezette emdegen jaǵdaıda ǵana jaqsarady.
«2020 jyldan bastap bizdiń bólimshede júrektiń qaqpaqsha kemistigi nemese ıshemııalyq aýrýymen birge júrek yrǵaǵynyń buzylystaryn emdeý úshin ashyq júrekke krıoablıatsııa operatsııasy jasalyp keledi.Qazirgi tańda patsıentterdiń aýyr sanatyna kómektese otyryp, biz osy tehnologııany sátti qoldanyp kelemiz»,- deıdi Rústem Tóleýtaev.
Onyń aıtýysha,kardıohırýrgtar komandasynyń tájirıbesi júrekke eń kúrdeli operatsııalardy jasaýǵa múmkindik beredi. Júreksheniń sol jaq qulaqshasyn klıpteı otyryp torakospııalyq radıojıilikti ablıatsııa, sonymen qatar júrekshe fıbrıllıatsııasy jáne tromboembolııalyq asqynýlary men ınsýlttiń joǵary qaýpi bar patsıentterge oqshaýlanǵan torakospııalyq klıpteý operatsııalary jasalady.Júrek isigi bolǵan jaǵdaıda operatsııalar standartty da,sonymen birge keýdeni kespeı azınvazıvti ádispen de jasalady.
«Kardıohırýrgııa bólimshesiniń aortokoronarlyq shýnttaý kezindegi taǵy bir ereksheligi -shýnttar boıynsha qan aǵymyn ólsheý jáne operatsııa kezinde olardyń sapasyn anyqtaý, bul shýnttar jumysynyń uzaq merzimdiligine kepildik berýge yqpal etedi.
Qosalqy patologııasy bar patsıentterde kezdesetin kúrdeli jaǵdaılarda, standartty tehnologııalardy qoldaný joǵary qaýippen baılanysty bolǵan kezde, jasandy qanaınalymnyń «jabyq kontýry» jańa tehnologııasyn qoldana otyryp operatsııalar jasalady. Mundaı operatsııalar qaýipterdi azaıtýǵa jáne operatsııadan keıin patsıenttiń densaýlyǵyn qalpyna keltirýge múmkindik beredi»,-deıdi dáriger.
