Almatyda IT-tehnologııalar parki ashylady
«Biz jastarǵa, talantty jastarǵa jaǵdaı jasaýymyz kerek. Qazir barlyǵy jańa tehnologııamen aınalysady. Biz startap múmkindikterin jasaımyz. Al ol úshin arnaıy orta qalyptastyrý kerek. Sondyqtan biz IT-tehnologııalar parkin uıymdastyrýdy uıǵardyq. Ol «Esentai IT-tehnologııalar parki» dep atalady. Esentai Mall saýda ortalyǵynyń mańynda ashylady. Qazir ol jerde úıler salynyp jatyr. Jeke ınvestormen birge shyǵarmashylyq ortalyq quramyz. Onda talantty jáne shyǵarmashyl jandar bas qosady. Biz ǵylymmen, zertteýmen aınalysatyn adamdar úshin ınnovatsııalyq startap jasaımyz», - dedi Baqytjan Saǵyntaev.
Qala basshysynyń aıtýynsha, ákimdik bilim, densaýlyq saqtaý, ǵylym, týrızm jáne kásibı qyzmet kórsetý salalaryn damytady.
«Qazir bizde saýda qyzyp tur. Alaıda ol ekonomıkaǵa kóp qarjy ákelmeıdi. Bizdiń maqsatymyz - bilimdi jastarǵa óz aýdanynda, óz mamandyǵy boıynsha jumys ornyn ashý», - dep túıindedi ákim.
