Almatyda iri esirtki zerthanasyn ashqan adam sottaldy
Zerthana 2020 jyldyń tamyzynda Naýryzbaı aýdanynyń aýmaǵynda ornalasqan baý-baqshalardyń birinen tabylǵan edi.
«Esirtki zerthanasyna aınalǵan úıden sıntetıkalyq esirtki óndirýge arnalǵan túrli jabdyqtar tabyldy. Sondaı-aq, iri kólemde daıyn ónimder - «Mefedron» men a-PVP júıkege áser etetin zattar tárkilendi», - dedi Almaty qalalyq PD Tergeý basqarmasy bastyǵynyń orynbasary Ádil Salaev.
Belgili bolǵandaı, polıtseılerdiń kózine Almaty qalasyndaǵy transporttyq-logıstıkalyq kompanııalardyń birine sıntetıkalyq esirtki daıyndaıtyn zerthana quraldary tıelgen júk túsken. «Júkke» 45 jastaǵy K. esimdi azamat tapsyrys bergen. Arnaıy sharalar júrgizilip, onyń zańsyz qyzmeti men esirtki zerthanasy anyqtaldy.
Zerthana ıesi ustalyp, QR QK 297-baby 3-bóligi 3-tarmaǵy boıynsha aıypty dep tanyldy. Ol 11 jylǵa bas bostandyǵynan aıyryldy.
Avtory: Elaman Turysbekov
