Almatyda ınjenerlik ınfraqurylymdy damytýǵa qansha qarajat kerek
Onyń aıtýynsha, Almaty qalasynyń sýmen jabdyqtaý jáne káriz júıesi - elimizdegi eń iri júıe.
Qoldanystaǵy jerasty jáne jer ústi sý kózderiniń jobalyq qýaty - táýligine 1343 myń tekshe metr, qalanyń qazirgi qajettiligi - táýligine 600-750 myń tekshe metr.
«Búginde qala shekarasyndaǵy kommýnaldyq ınfraqurylym birkelki damymaǵan. Qalanyń keıbir bólikterinde ortalyqtandyrylǵan sýmen jabdyqtaý jáne sý burý júıesi joq. Qoldanystaǵy jelilerdiń negizgi bóligi keńestik jyldary damýdyń jaı-kúıin jáne sol kezdegi qala shekaralaryn eskere otyryp salyndy. Táýelsizdik jyldarynda qala shekaralary birneshe ret keńeıdi. Buryn ınjenerlik ınfraqurylymy joq sovhozdar men baý-baqsha sharýashylyqtaryna tıesili jerler qalaǵa qosyldy»,- deıdi «Almatybasjospar» ǴZI JShS ókili.
Búgingi kúni Naýryzbaı aýdany boıynsha sý tapshylyǵyn joıý úshin Qarǵaly jáne Aqsaı ózenderinde sý daıyndaý boıynsha eki stantsııanyń qurylysy júrip jatyr.
Sondaı-aq Barlyq sý qoımasyn salý josparda tur.
«Bul barlyq shaǵynaýdandardy sýmen qamtamasyz etýge múmkindik beredi. Bostandyq aýdanynyń ońtústik bóligi boıynsha Ermensaı sý daıyndaý stantsııasynyń qurylysy júrgizilýde, Medeý aýdanynyń taý bókterindegi shaǵyn aýdandaryn sýmen qamtamasyz etý úshin Balqash jáne Bastaý sý qoımalaryn qaıta jańartý kózdelgen»,- deıdi Gúlnar Nahmetova.
Spıkerdiń sózinshe, Almatyda negizgi problema tozǵan sý jelileri bolyp qala beredi, bul belgili bir tutynýshyǵa sý jetkizýdi qıyndatady.
Máselen, Almaty qalasy boıynsha sý qubyry jelileriniń tozýy - qazirgi ýaqytta 54,2 paıyz. Tıisinshe 1943 shaqyrym sý qubyry jelilerin aýystyrý qajet.
Kárizderdiń tozýy - 56,6% paıyz. ıAǵnı 1000 km-den astam jelini jańartý qajet.
«Sý qubyry men qurylǵylar qurylysynyń birinshi kezegin iske asyrý aıasynda 2030 jylǵa deıin ınvestıtsııa kólemi - 144 mlrd teńge. Injenerlik ınfraqurylym qurylysynyń ekinshi kezegine (2040 jylǵa deıin) 257 mlrd teńge mólsherinde qarjy qajet, onyń ishinde 1545 km sý qubyry jelilerine. Sýmen jabdyqtaý júıesin damytýmen bir mezgilde qalalyq aýmaqtardy kárizdeý baǵdarlamasyn jedel iske asyrý kózdelgen»,- deıdi joba ázirleýshi.
Sondaı- aq jobada káriz jelilerin salý qarastyrylǵan. 2030 jylǵa deıin - 546 km, 2040 jylǵa qaraı - 1171 km.
«Almaty qalasynyń bas josparynda Batys jáne Boraldaı kollektorlaryn, Qaskeleń dıýkerin, Sorbulaq burý jáne apattyq-aǵyzý kanaldaryn rekonstrýktsııalaý, qoldanystaǵylaryn qaıta jańartýdy jáne jańa kárizdik sorǵy stantsııasyn salý qarastyrylǵan»,- dedi «Almatybasjospar» ǴZI bas ınjeneri Gúlnar Nahmetova.
Aıta keteıik, Almatyda 2040 jylǵa deıingi Almaty qalasynyń bas josparyn qoǵamdyq talqylaý jalǵasyp jatyr.
