Almatyda ınternet-alaıaqtyqtyń eń keń taralǵan túri ataldy
Birinshiden, onlaın nesıe berý, saıttar arqyly tutyný taýarlaryna tapsyrys berý. Ekinshiden, shottardan aqsha urlaý, bul jaǵdaıda qylmyskerler ózderin bank qaýipsizdik qyzmetkerleri retinde kórsetedi. Úshinshiden, aqshany ártúrli jobalarǵa, oıyndarǵa, ınvestıtsııalarǵa jáne taǵy basqa «tıimdi» aqsha salý.
«Búgingi tańda azamattardyń ómirin uıaly telefonsyz jáne ınternetsiz elestetý qıyn. Tamaqqa tapsyrys berý, taýarlardy, shottardy tóleý jáne taǵy basqa áreketterdi úıde otyryp-aq jasaýǵa bolady. Keıbir adamdar úshin bul ýaqytty únemdeýge jáne ómirdi jeńildetýge tamasha múmkindik bolsa, basqa «kásipker» azamattar úshin alaıaqtyq áreketterge úlken jol ashylady»,- deıdi Qýatbek Naýatov.
Polıtsııa ókiliniń aıtýynsha, jyl basynan beri qalada 207 ınternet-alaıaqtyq tirkeldi. Ótken jyldyń sáıkes kezeńimen salystyrǵanda 3,3 esege azaıdy.
«Degenmen, áli de bolsa dabyl qaǵyp, azamattardyń nazaryn qaýipsizdik sharalaryna aýdarý qajet, bul týraly áleýmettik beınerolıkter jáne basqa da broshıýralar, jadynamalar jáne t.b. túrindegi kórneki úgit-nasıhat arqyly birneshe ret aıtqan bolatynbyz. Byltyr shaharda 97 ınternet-alaıaq ustaldy», – dedi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.
Sonymen qatar, ol ınternet-alaıaqtyqtyń aldyn alý jáne kıberqylmysqa qarsy kúres bólimsheleriniń jumysynyń tıimdiligin arttyrý maqsatynda bıyl birqatar profılaktıkalyq is-shara josparlanǵanyn atap ótti.
Sonyń ishinde LED-ekrandarda, bılbordtarda profılaktıkalyq aqparatty ornalastyrý, osy máseleni BAQ-ta keńinen kórsetý, sondaı-aq alaıaqtardyń qurbany bolmaý týraly SMS habarlamalar jiberý.
