Almatyda halyqty vaktsınalaýǵa myńǵa jýyq volonter tartyldy
2021 jyldyń sáýir aıynan bastap Almaty qalasynyń medıtsınalyq joǵary oqý oryndary men medıtsına kolldeji stýdentteri men oqytýshylary vaktsınalaý jumysyna belsendi aralasýda. Jalpy sany 970 volonter men mamandardyń barlyǵy Almaty joǵarǵy medıtsınalyq kolledji, qoǵamdyq densaýlyq saqtaý joǵarǵy mektebi jáne Kolýmbııalyq ýnıversıtet janyndaǵy «Aıkap» uıymynyń uıymdastyrýymen arnaıy oqytý kýrsynan ótken.
«Shaqyrylǵan 970 volonter men mamannyń 120-sy rezıdentýra, 149-y ınternatýra, 221-i bakalavr, jalpy sany 490 bilim alýshy jumyldyrylǵan. Búgingi tańda qalamyzdyń 91 emhanasy, saýda-oıyn ortalyqtary men bazarlarda 364 volonter men shaqyrylǵan mamandar vaktsınatsııa pýnktterinde qyzmet atqarýda. Qalǵandary rezervtik tizimniń quramyna enip, kúndelikti pýnktterdegi qyzmetkerler qataryna qosylýda», - deıdi Jánibek Soltanaı.
Onyń aıtýynsha, vaktsınatsııa pýnktterindegi koordınator qyzmetin medıtsınalyq kolledj stýdentteri men Almaty qalasynyń medıtsınalyq emes ýnıversıtetteriniń stýdentteri atqarýda. Olar pýnktterdegi betperde rejıminiń, 1,5 metr áleýmetik araqashyqtyqty saqtaýdy qadaǵalaý, adamdar aǵymyn retteý, aqparattyq kelisim qaǵazdary men vaktsınatsııa jaıly kórnelik quraldardy taratýmen aınalysady.
«Tirkeýshi qyzmetinde medıtsınalyq joǵarǵy oqý ornynyń stýdentteri men ınternderi medıtsınalyq aqparattyq júıede jumys isteıdi. Negizgi orta medıtsınalyq qyzmetkerlerge dáriger-ınternder kómek kórsetýde. Sonymen qatar, dáriger-rezıdentter kelýshilerdiń arterııalyq qan qysymyn ólsheıdi, termometrııa júrgizip, anamnez jınaıdy jáne vaktsınatsııadan keıin naýqastardy baqylaý jumysymen aınalysady»,-dedi ol.