Almatyda Halyqaralyq maıdandastar klýbynyń kitaphanasy ashyldy
Bul týraly Almaty q. TJD baspasóz qyzmetinen habarlady.
Maıdandas klýbynyń ózi 2005 jyly almatylyq maıdandastardyń bastamasy jáne gazettiń demeýshiligimen qurylǵan bolatyn. Onyń alǵashqy prezıdenti ataqty qazaqstandyq aqyn ári jazýshy, maıdanger Leonıd Skalkovskıı bolǵan edi.
Qazirgi tańda klýbty Uly Otan soǵysynyń ardageri, bes áskerı orden men 35 medaldiń ıegeri, Qazaqstan halqy Assambleıasynyń múshesi ári Almaty oblysynyń qurmetti azamaty Leonıd ıÝzefovıch Gırsh basqarady. Ol óziniń alǵy sózinde bul kitaphananyń búgingi urpaq úshin rýhanı mura ekendigin jetkizdi.
«Maıdandastar klýbynyń maqsaty - Uly Otan soǵysy jyldaryndaǵy qazaqstandyqtardyń óshpes erlikterin máńgige este qaldyrý, óskeleń urpaqtyń patrıottyq rýhy men Otanǵa degen súıispenshiligin arttyrý. Sol bir surapyl soǵysqa qatyspaǵan januıa joq. Kóptegen maıdanger batyrlar keıingi urpaqty fashızmnen azat etý jolynda jandaryn pıda etti. Sondyqtan olardyń erlikterin umytýǵa bolmaıdy. Al kitaphana búgingi urpaq úshin de bolashaq urpaq úshin de rýhanı mura», - dedi Leonıd Gırsh.
Qazaqstan Respýblıkasy Tuńǵysh Prezıdenti Qorynyń sondaı-aq otandyq metsenattardyń demeýshiligimen maıdandastar klýby kúni búginge deıin maıdangerler jaıly estelikterdiń jıyrmadan asa tamasha jınaqtaryn shyǵarǵan.
Aıta ketelik, atalǵan kitaphananyń saltanatty ashylý sharasyna Respýblıkalyq «Kazahstanskaıa pravda» AQ basqarmasynyń tóraǵasy Aleksandr Tarakov, «Nur Otan» partııasynyń Almatydaǵy fılıaly tóraǵasynyń orynbasary Záýre Amanjolova, «Mádenıet» qorynyń vıtse-prezıdenti Valerıı Tolmachev, Reseı Federatsııasynyń Almatydaǵy Bas konsýly Alekseı Demın, Qazaqstan Respýblıkasy Prezıdentiniń Almatylyq baspasóz qyzmeti bıýrosynyń meńgerýshisi Valerıı Jandaýletov, Almaty qalasynyń TJ Departamenti bastyǵynyń orynbasary Nurlan Ábilbaıuly Madıarov, «Arystan» lıtseıiniń 2 kýrs kadetteri, sondaı-aq qoǵamdyq jáne ardagerlik uıymdardyń ókilderi qatysty.
