Almatyda germanııalyq elektroavtobýstar synaqtan ótkiziledi

  ALMATY. QazAqparat - Elektroavtobýs shyǵaratyn «Eurabus II» kóligi Almatynyń joldarynda testilik keste boıynsha jumys jasaýdy bastamaq, dep habarlaıdy «QazAqparat» tilshisi qalalyq ákimdiktiń baspasóz qyzmetine silteme jasaı otyryp.

Búgin osy modeldegi avtobýstar Evropanyń Berlın, Madrıd, Oslo, Gambýrg qalalarymen qosa, Almatyda testilik synaqtan ótip jatyr.

Avtobýstyń bul túri jańa tehnologııa boıynsha jeńil balqytylǵan karkastan jasalǵan. 18 metrlik avtobýs árqaısysy 200 den 500 kVt/saǵat bolatyn úsh akkýmýlıatorlarmen jabdyqtalǵan, bir ret qýat alǵan soń 300 km jol júredi, ortasha ýaqyty segiz saǵat.

Tómen edendi avtobýs vıdeobaqylaýmen, kondıtsıonermen, jylytý júıesimen jabdyqtalǵan, jolaýshylar úshin munda barlyq jaǵdaılar jasalǵan ári túrli óńirdegi klımatqa tózimdi. Oǵan 120 jolaýshy sııady, sonymen qatar múmkindigi shekteýil jandar úshin kótergish te bar.

Almatyda avtobýs qala qonaqtary men turǵyndary úshin bir týrıstik baǵytta testilik keste boıynsha júredi.

Qoǵamdyq kólik jeke ınvestordyń qarjysyna alynǵan. Sonymen qatar, bolashaqta kóliktiń bul túrin Almatyda jınaý úshin otandyq kompanııa men nemis óndirýshisiniń arasynda kelisim de jasalǵan.

Jolaýshylarǵa qyzmet kórsetý sapasyn arttyrý úshin keleshekte ınvestor baıqaý uıymdastyrmaq.

Aıta keteıik, jyljymaly sostavty jańartý jáne ekologııany jaqsartý maqsatynda Almaty ákimdigi jyl aıaǵyna deıin Eýro-5 standartty 300 jańa avtobýs alý úshin 11,5 mlrd teńge bóldi.

Qalaǵa qosylǵan eldi mekenderdegi, sonyń ishinde taýly jerlerdegi kólik júıesin jaqsartý úshin 10 shildeden bastap, jańa avtobýs baǵyttary ashyldy.

Osy isti júzege asyrý úshin Eýro-4 standartyndaǵy dızelmen júretin 45 avtobýs alyndy. LIAZ markaly 15 avtobýs ta jolaýshy tasymaldaıtyn bolady.