Almatyda farmkompanııa medıtsınalyq mekemelerge 100 myń maska alyp berdi
Sonymen birge, kásipkerlik sýbektileri de bul isten syrt qalmaı, koronavırýs pandemııasymen kúreske óz úlesterin qosýda. Búgin «Dolce-Pharm» JShS otandyq farmatsevtıkalyq óndiristik kompanııasy bıznestiń áleýmettik jaýapkershiligi aıasynda 100 myń maska berdi. Bul maskalar shahardaǵy 23 medıtsınalyq mekeme arasynda bólinip, taratylady.
«Búgingi tańda biz qalaǵa 100 myń maska syıladyq. Bul ákimdikpen sheshilgen másele. 5340 orynǵa 23 aýrýhanaǵa biz 100 myń fıltrli maska beretin bolamyz. Ákimdik bergen aýrýhanalar tizimi boıynsha barlyǵyna ózimiz jetkizetin bolamyz», - dedi Dolce kompanııasynyń kommertsııalyq dırektory Baıan Demeýova.
Qarapaıym qosqabatty maskalar tek 2 saǵat taǵylsa, fıltrli maskany 4-5 saǵat boıy, eki ese uzaq ýakyt taǵýǵa bolady.
Sonymen birge, bolashaqta onkologııalyq jáne balalar aýrýhanasynyń medıtsınalyq qyzmetkerlerin maskalarmen qamtamasyz etýge kómek kórsetý josparlanyp otyr.
Jalpy, «Dolce-Pharm» kompanııasy Almaty qalasynyń ákimdigimen kelisimge sáıkes, megapolıstiń 23 dárihanasyna maskalardy jetkizedi. Іndet bastalǵaly Dolce kompanııasy qalanyń dárihanalaryna kún saıyn 2-3 myń maska jetkizip otyr.
