Almatyda er adam 11-qabattan sekirmek boldy

ALMATY. QazAqparat - Almatyda 37 jastaǵy er adam óz-ózine qol jumsamaq boldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, saǵat 17:00 shamasynda «102» pýltine turǵyn úılerdiń biriniń 11-qabatyndaǵy terezesinde er adamnyń otyrǵany jáne óz-ózine qol jumsaǵysy keletini týraly habarlama tústi.
Sýıtsıd jasamaq bolǵan azamatty Almaly aýdanynyń ýchaskelik ınspektorlary aman alyp qaldy.
«Habardy alǵannan keıin, áriptesim, polıtsııa qyzmetkeri Azamat Dúısenbek ekeýmiz atalǵan úıge jettik. Osy kezde «Býran-052» patrýldik ekıpajy da keldi. Abyroı bolǵanda, páterdiń esigi ishten qulyptalmaǵan eken. Terezede otyrǵan adamdy shoshytyp almas úshin syrtqy esikti bildirmeı ashtyq. Men baıqatpaı kirip, ony ustap alyp, bólmege qaraı tarttym. Ol mundaı áreketke ne sebepti barǵanyn túsindire almady. Medıtsınalyq jáne psıhologııalyq kómek kórsetý úshin oqıǵa ornyna dárigerler brıgadasy shaqyryldy», – deıdi Almaly aýdandyq PB-nyń ýchaskelik ınspektory Erasyl Buharov.
Polıtseıdiń aıtýynsha, óz-ózine qol jumsamaq bolǵan azamattyń jasy – 37-de.
Qazir bul iske qatysty tergeý amaldary júrgizilip jatyr. Oqıǵanyń mán-jaıy anyqtalady.