Almatyda epıdemıologııalyq jaǵdaı kúrdelene túsýde

Almatyda 2021 jyldyń basynda vaktsınalanǵan adamdardyń 4,8% - ynda ımmýnıteti álsiregen, bul «omıkron» shtammynyń ımmýndyq kedergini eńserý ereksheligine qatysty boldy. Sondaı-aq, buryn aýyryp saýyqqan adamdardyń da ımmýnıteti tómendedi. Mysaly, 2021 jyldyń basynan beri 2,1% (3492 adam) qaıta juqtyrdy.
Almatyda «omıkron» juqtyratyn halyqtyń eń belsendi toby – 20-39 jas aralyǵyndaǵy jastar, olardyń kópshiligi vaktsınatsııadan jaltarǵandyqtan KVI – men aýyratyndardyń jalpy sanynyń 32% quraıdy.
Epıdemıologııalyq zertteýlerdiń málimetteri boıynsha, ótken aptada almatylyqtardyń 94% –nyń juqtyrǵan negizgi juqtyrý oryndary saýda obektileri – 34%, qoǵamdyq kólik – 24%, otbasylar – 21%, bazarlar – 9%, týystyq jáne dostyq baılanystar-6% bolyp otyr.
Aıta ketý kerek, Almatyda úı karantınin buzýshylar sany da ósti. Aǵymdaǵy jyldyń basynan bastap 7 aqpanǵa deıin uıymdar men obektilerge barǵysy keletin «qyzyl» statýsy bar 171 adam anyqtaldy, al 2021 jyldyń jeltoqsan aıynda nebári 55 buzýshy bolǵan, bul aǵymdaǵy jyldyń basynda úı karantıniniń buzylýy 3 eseden astam óskenin bildiredi. «Qyzyl» statýsy anyqtalǵan barlyq 171 turǵyn ákimshilik jaýapkershilikke tartylyp, ózin-ózi oqshaýlaý rejımin buzǵany úshin 7 mln.teńgeden astam somaǵa 30 AEK kóleminde aıyppul tóledi.
Osyǵan baılanysty Almaty qalasynyń sanıtarııalyq-epıdemıologııalyq baqylaý departamenti almatylyqtardy epıdemııaǵa qarsy sharalardy múltiksiz saqtaýǵa shaqyrdy.
«Maska rejımin, áleýmettik qashyqtyqty, qol gıgıenasyn saqtaý, sondaı-aq adamdar kóp jınalatyn oryndarǵa barmaýǵa tyrysý. Sondaı-aq, ambýlatorlyq emdelýdegi azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilik tanytýǵa shaqyramyz.
Almatylyqtarǵa COVID-19-ǵa qarsy vaktsınatsııadan jáne vaktsınatsııadan keıin 6 aı ótken soń revaktsınatsııadan belsendi ótý qajettigi týraly eske salamyz, óıtkeni, ujymdyq ımmýnıtettiń qalyptasýy ǵana shekteýlerdi kezeń-kezeńimen alyp tastaýǵa jáne úırenshikti ómir saltyna oralýǵa múmkindik beredi», - dep eskertti qalalyq sanıtarııalyq-epıdemıologııalyq baqylaý departamentinde.