Almatyda eń belsendi jáne janashyr eriktiler marapattaldy
Saltanatty sharada jyldyń qorytyndysy boıynsha Almaty eriktiler qozǵalysynyń eń belsendi jáne janashyr qatysýshylary marapattaldy.
Forýmdy ashqan Almaty qalasy ákiminiń orynbasary Erjan Babaqumarov muqtaj jandarǵa rııasyz kómektesip júrgen eriktiler qozǵalysy belsendileriniń erekshe rólin atap ótti.
Sondaı-aq, qoǵam qaıratkeri, qaıyrymdylyq qorynyń dırektory A. Saın, qalalyq máslıhattyń depýtaty, Q3 Worldwide ınvestıtsııalyq holdınginiń ıesi Q. Qudaıbergen, «Qazaqstan volonterleri lıgasy» qoǵamdyq qorynyń tóraǵasy A. Ernııazova, qalalyq máslıhattyń depýtaty S. Esmat, Almaty qalasy volonterleriniń óńirlik front-ofısiniń ókili B. Anarbaeva quttyqtaý sóz sóıledi.
Túrli nomınatsııalar boıynsha marapattalǵandardyń arasynda Lider.kz eriktiler qozǵalysynyń jetekshisi D. Blats, Menin Armanym korporatıvtik qorynyń atqarýshy dırektory Sh. Vankeev, Asar-ume qorynan A. Nurmaǵambetov, D. Malaeva, S. Asylbek, «Salıqaly urpaq» qorynan Q. Qasabekov, «Hareket» QQ atynan G. Muhanqyzy, A. Temirov, «Almaty meıirimdilik klýbynan» A. Oqas, E. Ultanbekov, E. Shaıahmet, M. Myrzahmetova, «Qyzyl Jarty Aıdan» Q. Qaısar, L. Ibragımova, «Qazaqstan Eriktiler lıgasynan» A. Kım, «Rahym» áleýmettik úıinen B. Sheralıeva, «Kotopestan» M.Lejneva, «Halyq» qorynan S. Shúńkeev, «Men almatylyqpyn» atynan M. Ánýarbekova jáne basqalar boldy.
Forým barysynda Asar-ume qoǵamdyq qory muqtaj jáne kóp balaly otbasyǵa úı satyp alýǵa sertıfıkat tapsyrdy. Basqa eriktiler jańa úıge qajetti tehnıkalardy syıǵa tartady. Osylaısha eriktilerdiń arqasynda taǵy bir otbasy jańa jyldy óz shańyraǵynyń tórinde qarsy alatyn boldy.
Aıta keteıik, jańa jyl qarsańynda eriktiler jaqsylyq jasaýdy toqtatpaıdy. Qalanyń volonterlik uıymdary «Keremet Aıaz Ata» jańa jyldyq aktsııasyn ótkizýde, onyń aıasynda kez kelgen adam kómekke muqtaj jannyń jańa jyldyq tilegin oryndaı alady.
