Almatyda eki kóshe qala shegine deıin uzartylady
Almaty qalalyq mobıldilik basqarmasynyń málimetine sáıkes, N.Tilendıev kóshesi men Soltústik aınalma joly soltústik baǵytta Úlken Almaty aınalma avtomobıl jolyna deıin uzartylady.
Almatyny damytýdyń bas josparyna túzetý engizildi.
«Joǵaryda atalǵan joldardy uzartý boıynsha jobalyq-smetalyq qujattamany ázirleý merzimi 2022 jylǵa josparlanyp otyr. N.Tilendıev kóshesin toǵyz shaqyrymǵa, al soltústik jarty aınalma joldy 1,2 shaqyrymǵa uzartý kózdelgen. Sondaı-aq, kólik jolaıryǵyn salý usynylady», - dep habarlady basqarmadan.
Sonymen qatar, T. Rysqulov dańǵyly F. Ońǵarsynova kóshesinen qala shekarasyna deıingi aralyǵyn uzartý jobasy pysyqtalyp jatyr.
Jalpy 2030 jylǵa deıin Almatyda 38 kóshe uzaratylady.
Sarapshylar jańa kóshelerdi eki kezeńde salýdy usynyp otyr. Kóshelerdiń bir bóligi - 2025 jylǵa deıin, al ekinshisi - 2030 jylǵa deıin.
