Almatyda demalys jáne mereke kúnderi vaktsına salý jalǵasady

ALMATY. QazAqparat – Almatyda demalys jáne mereke kúnderi vaktsına salý jalǵasady. Bul týraly onlaın brıfıng barysynda «Respýblıkalyq elektrondyq densaýlyq saqtaý ortalyǵy» ShJQ RMK Almaty qalalyq fılıalynyń dırektory Gúlnar Ysqaqova aıtty, dep habarlaıdy QazAqparat tilshisi.

«Qazaqstanda jappaı vaktsınalaýdyń júrgizilýine baılanysty, turǵylyqty jerine nemese Almatyda tirkelgenine qaramastan, kez kelgen adam koronavırýsqa qarsy ekpe jasata alady. Sondaı - aq, Almatyda turýǵa ruqsaty bar shetel azamattaryn, eńbek mıgranttaryn, bosqyndardy jáne shetel stýdentterin tegin vaktsınatsııalaımyz. Almatyda olardyń sany 7 myńǵa jýyq», - deıdi Gúlnar Ysqaqova.

Sonymen qatar, ol megapolıste demalys jáne mereke kúnderi egý pýnkteri jumys isteıtinin aıtty.

«Almaty qalasynyń kez kelgen jerinde ekpe saldyrýǵa bolady. Kún saıyn demalyssyz jáne úzilissiz 215 ekpe pýnkti jumys isteıdi, qajet bolǵan jaǵdaıda rezervte taǵy 250 ekpe pýnkti bar», - dep tolyqtyrdy spıker.

Aıta keteıik, eldiń ár turǵyny vaktsına túrin tańdaýǵa quqyly. ıAǵnı qazaqstandyq QazVac pen reseılik «Spýtnık-V», sondaı-aq, Qytaıda óndirilgen vaktsınany saldyrady.

«Sonymen qatar, qajet bolǵan jaǵdaıda vaktsınanyń ekinshi komponentin burynǵy keste boıynsha 21 kúnnen keıin de alýǵa bolady. Ol úshin ekpe pýnktine habarlasyp, erikti túrde ótinish jazý qajet. Ázirge QR Bas memlekettik sanıtarlyq dárigeriniń qaýlysyna sáıkes ekinshi ekpe 45 kúnnen keıin alynady», - dedi ol.