Almatyda demalys kúni 3,9 myń adam koronavırýs vaktsınasyn aldy

ALMATY. QazAqparat – Almatyda bir táýlikte 3 918 adam koronavırýsqa qarsy vaktsına saldyrdy, dep habarlaıdy QazAqparat tilshisi.

«25 sáýir kúni 3 918 almatylyq vaktsına saldyrdy», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.

Bıylǵy jyldyń 1 aqpany men 25 sáýiri aralyǵynda barlyǵy 180 451adamǵa ekpe salyndy.

Búgingi kúni qalada 209 pýnkt jumys istep tur. 1 201 adamnan turatyn 303 egý brıgadasy bar.

«2021 jyldyń 25 sáýiri kúni jalpy sany 6 myń doza (1 jáne 2-komponent boıynsha) qazaqstandyq «QazVac» vaktsınasynyń transhy alyndy», - dep habarlady vedomstvodan.

Sondaı-aq, Á. Qasteev atyndaǵy Óner murajaıynda (Sátbaev kóshesi) ashylǵan vaktsınalaý pýnkti óz jumysyn bastady. Jumys ýaqyty: 08:00-den 20:00-ge deıin.

Aıta keteıik, Naýryzbaı aýdanyndaǵy «Taýsamaly» bazarynda vaktsınatsııa pýnkti ashyldy.