Almatyda «Bıýdjetke qatysý» jobasy boıynsha 580 jobalyq usynys túsken
Almaty ákimdiginiń málimetinshe, 23 tamyz - 29 qyrkúıek aralyǵynda Almaty turǵyndarynan 580 jobalyq usynys túsken. Eń kóp ótinim Alataý aýdanyn abattandyrý boıynsha kelip tústi (145). Odan keıin Áýezov (118), Naýryzbaı (85), Almaly (70), Medeý (54), Bostandyq jáne Jetisý (39), Túrksib (30) aýdandary.
«Bıýdjetke qatysý» qalalyq jobasyna qatysý úshin árbir nıet bildirýshi qalalyq ortany damytý ıdeıasyn budget.open-almaty.kz portalyna jibere alady. Ótinimderdi qabyldaý 30 qyrkúıekte (qosa alǵanda) aıaqtalady. Eger bul bastama basqa turyńdardyń daýysymen qoldaý tapsa, ol qalalyq bıýdjet esebinen júrgiziledi. Jobany júzege asyrýǵa Almaty qalasynyń ákimdigi 6,4 mlrd teńge bóledi. Ár aýdanǵa - 800 mln teńgeden.
1-12 qazan aralyǵynda aýdan ákimdikteriniń saraptamalyq komıssıalary jobalardy «Halyqtyq qatysý bıýdjeti» QR zańnamasyna, «Almaty qalasyn damytý» baǵdarlamasyn uıymdastyrý jáne ótkizý týraly erejeniń talaptaryna sáıkestigine irikteýdi júzege asyratyn bolady.
